Andijon mashinasozlik instituti ―gumanitar fanlar‖ kafedrasi ―O‘zbekiston tarixi‖ fanidan

To‘rtinchi rejada talabalarni quyidagilarga jalb etish lozim. Bugungi kunda sog‘liqni saqlash tizimida amalga oshirilayotgan islohotlar jamiyatning eng katta boyligi bo‘lgan inson salomatligini yaxshilash, uning manfaati, turmush farovonligini ta‘minlash, kasalliklarni kamaytirish, sog‘lom turmush tarzini qaror toptirish, aholining o‘rtacha umr ko‘rish darajasini uzaytirish, sog‘lom avlodni dunyoga keltirish va tarbiyalab voyaga yetkazishga qaratilgani bilan g‘oyat ahamiyatlidir. SHu sababli yurtimizda aholi salomatligi mustahkamlanib, onalar o‘limi 3,2 barobar, bolalar o‘lmi 3,4 barobar kamaygani, odamlarimizning o‘rtacha umr ko‘rish darajasi 66 yoshdan 73,5 yoshga uzaygani bizning qanday katta yuksalish yo‘lini bosib o‘tganimizdan va xalqimizning hayot sifati o‘sib borayotganligidan dalolat beradi.

Jahon moliyaviy-iqtisodiy inqirozi davom etayotgan sharoitda aholining ish bilan bandligini ta‘minlash mamlakatimizda olib borilayotgan ijtimoiy-iqtisodiy islohotlarning bosh maqsadlaridan biri hisoblanadi. Yurtimizda aholining 60 foizga yaqinini mehnat resurslari tashkil etadi. Mehnat resurslari jismoniy va aqliy qobiliyatga ega bo‘lib, mehnat jarayonida moddiy ne‘mat va xizmatlarni yaratadi. Aholi tarkibida mehnat resurslarining ulushi 57,8 foizdan 58,9 foizga oshgan.

2013 yilda yurtimizda ijtimoiy soha va aholini ijtimoiy qo‘llab-quvvatlash xarajatlarining tarkibida 8984,6 milliard so‘m hajmidagi mablag‘lar ta‘lim-tarbiya sohasiga sarflanishi rejalashtirilgan bo‘lib, xarajatlarning asosiy qismini tashkil etgan. Qishloq joylarda yakka tartibdagi uy-joylar qurish hamkorlikda moliyalashtirish uchun 374,7 milliard so‘m miqdorda mablag‘ sarflanishi ko‘zda tutilgan. Respublikamiz aholisining daromadlari va turmush darajasini yanada muttasil oshirib borish, fuqarolarga ijtimoiy madadni kuchaytirish maqsadida har yili byudjet muassasalari va tashkilotlari xodimlarining ish haqi, pentsiyalar, stipendiya hamda nafaqalari oshirilib boriladi. Ish bilan band aholi soni yil sayin ko‘payib bormoqda. 2008-2013 yillarda O‘zbekiston Respublikasida ish bilan band bo‘lgan aholi soni 1188,4 ming yoki 10,8 foizga o‘sgan. Olib borilgan tahlillar ish bilan band aholi sonining ortganini ko‘rsatdi. Respublikada aholining yashash farovonligi yildan-yilga o‘sib bormoqda. Prezidentimiz I.A.Karimov erishilgan bunday yutuqlar, natijalarni sarhisob qilib, vaqt o‘tishi bilan biz tanlagan, chuqur o‘ylangan demokratik islohiolar, dunyoda ―O‘zbek modeli‖ deb e‘tirof etilgan taraqqiyot strategiyasi naqadar to‘g‘ri ekaniga, xalqimizning manfaatiga to‘la javob berayotganiga yana va yana bir bor iqror bo‘lmoqdamiz, deb qayd etdi. O‘zbekiston kishi boshiga yalpi ijtimoiy mahsulot ishlab chiqarish bo‘yicha mamlakatda 12 o‘rinda turibdi. Kishilarning davlatimiz siyosatidan minnatdorligi, fuqaro va davlat manfaatlarining uyg‘unligi, odamlarda erta kunga ishonch tuyg‘usining ortib borishi kundan-kun kuchaymoqda.