Andijon davlat unversiteti

O’ZBEKISTON RESPUBILKASI OLIY VA O’RTA MAXSUS TA’LIM VAZIRLIGI
ANDIJON DAVLAT UNVERSITETI
SIRTQI TA’LIMI PEDAGOGIKA-PSIXOLIGIYA YO’NALISHI
4- KURS 3-GURUH TALABASI
AZIZAXON RO’ZIBOYEVANING
Pedagogik konfliktologiya
Fanidan
Pedagogik konfliktologiyada tolerantlik tushunchasi va mediatsiya qoidalari
mavzusida


KURS ISHI


Ilmiy rahbar: _______________________________


Andijon 2022
MAVZU: Pedagogik konfliktologiyada tolerantlik tushunchasi va mediatsiya qoidalari
REJA


I. KIRISH.
II.ASOSIY QISM:

1 Tolerantlik haqida tushuncha.

2. Tolerantlikni zamonaviy tushunish va anglash
3. Konfliktlarni bartaraf etishda mediatsiyaning o’rni


III. XULOSA.


IV.FOYDALANILGAN ADABIYOTLAR RO’YXATI.
KIRISH
“Yuzaga kelgan konfliktdan qo’rqmang, konfliktning
xotimasi – kelishuvdir’”
A. M. Tursunaliyevna
Mavzuning dolzarbligi: o’zbekiston Respublikasining birinchi Prezidenti Islom Karimov ta’kidlaganidek, “Uzoq va yaqin tarixiy tajribalar shuni ko’rsatadiki, har qanday nizoga befarq bo’lmaslik kerak. Doimo ogoh bo’lish, kelishmovchiliklarning oldini olish hayotda va jamiyatda muvozanat va rivojlanishni ta’minlaydi”.¹
Hayot konfliktlarga to’la. Insonning jamiyatdagi yashash tarzini turli ziddiyatlarsiz tasavvur etib bo’lmaydi. Turli nizo va ziddiyatlar bilan umr davomida, har qanday yoshda, har qanday joyda, har qanday vaziyatda to’qnash kelish mumkin. Konfliktlar uyda, maktabda, ko’chada, o’quvchilar orasida, ota-onalar va farzandlar, xodim va uning rahbariyati orasida, jamoa a’zolari o’rtasida sodir bo’lishi mumkin. Konfliktlar, odatda, ko’p vaqt odamlar birga bo’ladigan hollarda, ya’ni ular uzoq muddat bir-birlari bilan va ruhiy muloqotda bo’ladigan hollarda, ular ma’lum muddat o’zaro birga bO’lishga majbur bo’lgan paytlarida ko’proq sodir bo’ladi.
Hech bir inson o’zini konfliktlardan doimiy muhofaza qilinganman deb hisoblay olmaydi. Chunki konfliktlar ba’zan qo’qqisdan, hech kutilmagan holda vujudga kelishi hamda inson hayot tarzini tubdan o’zgartirib yuborishi mumkin. Konflikt har bir inson hayotining ajralmas qismi bo’lib, hech bir inson konfliktlardan o’zini “kafolatlanganman” deb ishonch bilan ayta olmaydi. Har birimiz bolalik davrlarimizdan konfliktli vaziyatlarga tushamiz va bu holatlardan chiqib ketish yo’llarini, usullarini qidiramiz. Shu nuqtai nazardan qaraganda, konflikt ijtimoiy hodisa hisoblanadi. Chunki u ko’pchilik insonlarning kundalik turmush tarziga oid voqea va hodisalarni qamrab oladi hamda konflikt rivojidan har bir inson, yaqin qarindoshlar, mehnat jamoasi o’rtasidagi tinch va totuvlikka asoslangan osuda hayot tarzi zarar kO’rishi mumkin.
Ulg‘ayganimiz sari konfliktli voqea, hodisalar o’z kuchi va ta’sirini ham kuchaytirib boradi. Ammo biz konflikt nimaligini bilamizmi?! Har doim ham konfliktli vaziyatga tushib qolganda o’zimizni to’g‘ri tutamizmi? Konflikt bizning hayotimiz uchun tahdid ko’rsatadimi? Konfliktning o’z ichki tabiati qanday? Konfliktdan qanday qutilish ya’ni undan qanday chiqib ketish kerak? Ziddiyat qanday qonuniyatlar asosida rivojlanadi? Nizoni rivojlantiruvchi omillarni oldindan bartaraf etsa bO’ladimi? Inson ziddiyatlarsiz yashashga o’rganishi mumkinmi?! kabi savollar butun bir vujudimizni qurshab oladi.
Konfliktologiya, yoki konfliktlar yechimi sohasi yangi rivojlanib kelayotgan va taraqqiy etayotgan fan sohalaridan biri bo’lib hisoblanadi. Shu bois, konfliktologiya sohasining nazariy asoslari, uning milliy xususiyatlari, ijtimoiy o’ziga xosliklari, konfliktlarning jamiyat hayoti bilan aloqadorligi, shaxslararo konfliktlar, konfliktlarning huquqiy aspektlari, mehnat jamoasidagi konfliktlar masalalari ko’pchilik tadqiqotchilarni qiziqtiradi. Ko’rinib turibdiki, konfliktologiyaning o’z ichki yo’nalishlari ko’p. Konfliktologik kayfiyat va xususiyatlarni o’rganish jamiyatdagi inqirozlarning kelib chiqishi va ijtimoiy to’qnashuvlarning oldini olishga ko’mak beradi. Ammo bu sohadagi tadqiqotlar unchalik ko’p bo’lmay, mazkur qo’llanmani yozishda konfliktologiya asoslari bo’yicha ingliz, rus va o’zbek tillaridagi ba’zi ma’lum manbalarga tayanildi.
AQShning bir necha universitetlari qoshida konflikt yechimlarini o’rganishga yO’naltirilgan ilmiy-amaliy tadqiqot markazlari faoliyat olib boradi. Mayamida tashkil etilgan “Tinchlik ta’limi tadqiqotlari markazi” ana shunday tashkilotlardan hisoblanadi. Rossiya Fanlar Akademiyasi Sotsiologiya instituti qoshida ham “Konfliktologik tadqiqotlar markazi” ish olib boradi. Ushbu markazlar asosan konfliktli vaziyatlarni oldini olish chora-tadbirlarini ishlab chiqish bilan shug‘ullanadilar.
Konflikt o’zi nima? “Konflikt” atamasi “Nizo” tushunchasining dastlabki ekvivalenti sanaladi. Bu fan o’rganuvchi ob’ektlar nimalardan iborat? Konfliktlarni kelib chiqishini, sabab va oqibatlarini o’rganuvchi fan “Konfliktologiya” bo’lib, u lotincha “conflictus” – to’qnashuv, “logiya” – ta’limot demakdir. Demak, to’qnashuv haqida ta’lim berish, ya’ni to’qnashuv haqidagi fan hisoblanadi.
Konfliktlarni yechish jarayonida toleriantlik tushunchasiga kelsak, har qanday vaziyatda ham odillik va bag’rikengliuk bu- bizning milliyligimiz va O’zbekligimizga hos bo’lgan insoniy hislat.
Tolerantlik tafakkuri hozirgi zamonaviy jamiyatlardagi millatlar, elatlar, xalqlar, madaniyatlar, qarashlar, mafkuralar xilma-xilligi va rang-barangligi sharoitida o’zaro hamkorlik va bir-birini qabul qilish, anglash jarayoni hamda o’zaro barqarorlik tafakkurini bildiradi.
Tolerantlik boshqa millat, irq, xalq, ular madaniyati, tili, urf-odati, qarashlari, udumlariga bo’lgan “qanoatli” va hurmatli munosabatni anglatadi.