Andijon davlat universiteti axborot texnologiyalari kafedrasi

13-ma’ruza. Amaliy va laboratoriya mashg’ulotlari

Reja:

1. 
   Amaliy – laboratoriya mashg’ulotlarini o’tkazish.
   
2. 
   Amaliy – laboratoriya mashg’ulotlari maqsadi va vazifalari
   
3. 
   Amaliy – laboratoriya mashg’ulotlari mazmuni
   

Tayanch tushunchalar.

Amaliy – laboratoriya mashg’ulotlarini o’tkazish, Amaliy mashg’ulotlarning tashkiliy shakllari. Amaliy mashg’ulotlar namunalari.

Har qanday maxsus fanlarning ma'ruzalar matnnini yaratish va uni talabalar ongiga etarli darajada moҳirona etkazishning o’zi bu fanning talabalar tomonidan to’la o’zlashtirlishi uchun kifoya qilmaydi. Bunga sabab birgina o’tkazilgan ma'ruza yordamida bu kursning barcha nazariy va amaliy tomonlarini ma'ruza uchun ajratilgan qisqa vaqtda har tomonlama qamrab olish amalda mumkin emas. Agarda ma'ruzalar maxsus fanlarni o’qitish metodikasiga bag’ishlangan bo’lsa, bu qiyinchilik yana ham ortadi. Bunga sabab talabalar tomonidan etarli darajada murakkab maxsus kursni o’zlashtirish bilan birga uni o’qitish metodikasini ham bir vaqtda o’zlashtirishlari zarur. Bu kabi qiyinchilikdan qutulishning birdan—bir yo’li talabalarga asosiy kurs bo’yicha amaliy—seminar mashg’ulotlarning ilg’or pedagogik texnologiyalar asosida kerakli miqdorda o’tkazilishi maqsadga muvofiq.