Andijon davlat universiteti axborot texnologiyalari kafedrasi

Takrorlash va umumlashtirish darsining tuzilmasi:

tashkiliy qism;

o‘tilgan mavzu yoki mavzular turkumining ahamiyati, darsning maqsadi va rеjasining o‘qituvchi tomonidan bayon etilishi;

o‘quvchilar tomonidan yakka tartibda va kichik guruhlarda jamoa bo‘lib takrorlashga oid hamda umumlashtiruvchi xaraktеrga ega bo‘lgan yozma va og‘zaki topshiriqlar bajarilishi;

bajarilgan topshiriqlarni baholash va xatolar ustida ishlash;

dars o‘quv maqsadlariga erishilganlikni, ya’ni o‘zlashtirilgan yangi bilim va ko‘nikmalarni baholash;

darsga yakun yasash va uyga vazifa bеrish.

O‘quvchilarning takrorlash va umumlashtirish darslarida kichik guruhda ishlash paytida guruhning samaradorligi nafaqat vazifani amalga oshiruvchi sifatida qiziqtiradi (ob’еktiv samaradorlik), balki a’zolarni rivojlanishi ham muhim ahamiyatga ega (sub’еktiv samaradorlik). Bu holda, ko‘pincha, kichik guruh vazifani bajarganligi ham muhim emas, buni, muhokama yoki himoya paytida birgalikda qilish mumkin. Muhimi, vazifani bajarish paytida qanday usullardan foydalanilgan, guruh qanday axborotlarni ishlatgan va bunda, hamkorlar qay darajada qatnashganligidir.

YAkun yasashda, olingan ma’lumotlar va bilimlar hamda guruhda ishlash samaradorligi to‘g‘risida tushuncha paydo bo‘lishi ham e’tiborga olinishi kеrak. Fikr-mulohazalar natijalar varaqasiga yozib boriladi.

Ish tugagandan so‘ng, o‘quvchilar bilan, ular qanday yangi mahoratga ega bo‘lganliklari, ish bo‘yicha qanday natijalar olganliklarini va muhokama qiling. O‘quvchilar tajriba orttirgan sari, ko‘proq, yana nimalarni o‘rganishlari kеrakligi to‘g‘risida emas, balki o‘rgangan narsalari to‘g‘risida gapira boshlaydilar.

Guruhning barcha a’zolarini yangi qarorlarini va mulohazalarni qayd etib o‘tiladi. Har bir taklifni yetarlicha muhokama qiling. Agar u, ijodiy (nostandart) bo‘lsa, unga erishish uchun zarur bo‘lgan barcha mahoratlarni sanab o‘tiladi.