Andijon davlat tibbiyot instituti farmakologiya, klinik farmakologiya va tibbiyot biotexnologiyalari kafedrasi

Efir moylarining kimyoviy konstantalarini aniqlash

Efir moylarining kimyoviy konstantalariga kislota, sovunlanish va efir soni kiradi. Bu yog‘lar tahlili bo‘limida to‘liq bayon etilgan. Kislota soni yordamida efir moyi tarkibida sof holda bo‘ladigan birorta ma’lum kislota miqdorini aniqlash mumkin. Efir va sovunlanish soni yordamida efir moyi tarkibidagi ma’lum murakkab efirlarni hamda shu efirni tashkil etgan spirt va kislota miqdorini aniqlash mumkin.

Efir moylarining tibbiyotda qo‘llanishi

Efir moylari tibbiyotda dori sifatida ichiladi yoki badanga surtiladi va inyeksiya qilinadi, bundan tashqari, ba’zi dorilar aralashmasi tarkibiga kiradi. Efir moyli o‘simliklardan tayyorlangan dori turlari ham tibbiyotda ko‘p qo‘llaniladi. Efir moylari farmatsevtikada boshqa dorilar mazasi va hidini yaxshilash

uchun qadimdan ishlatilib kelinmoqda. Ko‘pgina moylar bakteritsid xossaga ega bo‘lganidan tish kasalliklarini davolashda va ingalatsiyada (nafas yo‘llarini dezinfeksiya qilishda) qo‘llaniladi. Xonalar (ko‘pincha kasalxonalar) havosini yaxshilashda ham efir moylaridan foydalaniladi. Efir moylari ko‘proq parfumeriyada, kosmetika, texnika va oziq-ovqat sanoatida ishlatiladi.