«anatomiya» fani tematik papka

1.Yuqorigi kurak-trapetsiyasimon uchburchak (trigonum omotrapezoideum) old tomondan to’sh-o’mrov-so’rg’ichsimon mushak, pastdan kurak-til osti mushagining pastki qorinchasi, orqadan trapetsiyasimon mushakni tashqi chekkasi bilan chegaralangan.
2.Pastki kurak-o’mrov uchburchagi (trigonum omoclaviculare) old tomondan to’sh-o’mrov-so’rg’ichsimon mushak, yuqoridan kurak-til osti mushagi, pastdan o’mrov suyagi bilan chegaralangan.
Bo’yinning medial uchburchagi uchga bo’linadi. 1.Uyqu uchburchagi (trigonum caroticum) orqadan to’sh-o’mrov-so’rg’ichsimon mushak, yuqoridan ikki qorinli mushagini orqa qorinchasi, old va pastdan kurak-til osti mushagining yuqorigi qorinchasi bilan chegaralangan. 2. Kurak-kekirdak uchburchagi (trigonum omotracheale) orqa va past tomondan to’sh-o’mrov-so’rg’ichsimon mushak orqa va ust tomondan kurak-til mushagini yuqori qorinchasi, old tomondan kekirdak bilan chegaralangan. 3. Pastki jag’ uchburchagi (trigonum submabdibulare) yuqoridan pastki jag’, pastdan ikki qorinli mushakni oldingi va orqa qorinchalari bilan chegaralangan. Bu sohada jag’ osti bezi, qon tomirlar va nervlar joylashadi. Bu uchburchak sohasida jarrohlikda katta ahamiyatga ega bo’lgan til (Pirogov) uchburchagi tafovut qilinadi. U old tomondan jag’-til osti mushagini orqa chekkasi, past va orqa tomondan ikki qorinli mushakni orqa qorinchasi, yuqoridan til osti nervi bilan chegaralangan bo’lib, unda til arteriyasi yotadi.
Bo’yinning yon tomonida narvonsimon mushaklar orasida ham uchburchak shaklidagi oraliqlar bo’lib, bulardan qon tomir va nervlar o’tadi.