Analitik kimyo

TITRAMETRIYA

Titrametrik analizda titri aniq bo’lgan eritmalardan foydalanib titri noma’lum eritmalarning titrlari aniqlanadi. Titrlash usullari qo’llaniladigan reaksiyalar (protolitometriya, oksredmetriya, kompleksonometriya va cho’ktirish usullari), titrlash amalini bajarish (bevosita, bilvosita, teskari va reversiv) va titrlash uchun namuna olish (pipetkalash va ayrim namunalar) bo’yicha bo’linadi.

Titrametrik analizda qo’llaniladigan asboblar, ularni darajalash qoidalari.

Eritmalarni hajmini o’lchash. Eritmalarning hajmlari litrlar va kub metrlarda yoki ularning ulushlarida o’lchanadi. Eritmalarning hajmlarini aniq o’lchash titrametriyada eng masuliyatli ishlardan hisoblanadi, chunki hajmni o’lchash aniqligi analizning aniqligi bilan bevosita bog’liq. Titrametrik analizda qo’llaniladigan muhim o’lchov asboblariga byuretkalar, pipetkalar va o’lchov kolbalari kiradi.

O’lchov idishlarini sig’imlarini aniqlash uchun ular darajalanadi. Bunday maqsaddaunga solingan yoki undan to’kilgan distirlangan suvning massasi o’lchanadi. Suvning massasini o’lchashda uning harorati muhim ahamiyatga ega. Suvning 4^oC dagi zichligi 1g/m bo’lganligi uchun uy haroratida 1l hajmli suv 1 kg kam bo’ladi. Shuning uchun ham suvga 1000-1000 p (bu yerda, p-suvning berilgan temperaturadagi zichligi) tuzatish kiritiladi. Bundan tashqari havoda tortishga ham tuzatish kiritiladi, chunki jismning massasi havoning massasi miqdorida haqiqiy massasidan farq qiladi. Odatda bu qiymat katta bo’lganligi uchun uni hisobga olmaslik ham mumkin.