Amu- buxoro irrigatsiya tizimlari havza boshqarmasi buxorodavsuvmaxsuspudrat davlat unitar korxonasi

Барча тизим, ташкилот ҳамда
Давлат унитар корхоналари
раҳбарларига

Қишлоқ ва сув хўжалиги вазирлигининг 2013 йил 17 сентябрдаги №08/26-8-33 сонли хатида Ўзбекистон Республикаси Ҳисоб палатаси томонидан 2013 йил биринчи ярим йиллик иш дастурига асосан бюджет ва бошқа маблағларнинг мақсадли ва самарали сарфланиши юзасидан жорий йилнинг 28 майидан 10 июлигача бўлган муддатда Қишлоқ ва сув хўжалиги вазирлиги таркибига кирувчи ташкилотларда текширишлар олиб борилганлиги ҳамда, ўтказилган текширишларда:

- штат-смета интизомининг бузилиши, иш ҳақи ва унга тенглаштирилган тўловларнинг ортиқча сарфланиши шунингдек, бажарилган қурилиш ва таъмирлаш ишларига қўшиб ёзиш, обьектларнинг бошланғич нархларини ошириб кўрсатиш ва уларни белгиланган муддатларда топширмагани учун пудратчиларга жарима қўлламаслик, ёқилғи мойлаш материалларини асоссиз ҳисобдан чиқариш, товар моддий бойликларининг камомади ҳамда бошқа кўплаб хато ва камчиликларга йўл қўйилганлиги натижасида бюджет маблағлари мақсадсиз ва самарасиз сарфланганлиги;
- “Сирдарё-Сўх” ирригация тизимлари ҳавза бошқармаси қошидаги Насос станциялари, энергетика ва алоқа бошқармасида ўтказилган текширишларда 30 нафар ишчиларнинг дипломлари сохта эканлиги айтилган.
Қишлоқ ва сув хўжалиги вазирлигининг 2013 йил 17 сентябрдаги №08/26-8-33 сонли хатида берилган топшириқлар ижросини таъминлаш, юқоридаги каби хато ва камчиликларни олдини олиш, барча ташкилотларда ишловчи ходимларнинг дипломларини ҳаққонийлигини аниқлаш мақсадида тегишли билим юртларига мурожаат қилиш ва бажарилган ишлар юзасидан ҳавза бошқармасига 2013 йилнинг 1 октябрига кадар маълумот беришингиз топширилади.
Шу билан бирга, бюджетдан ажратилган маблағларни сарфланиши юзасидан расмийлаштирилган барча ҳужжатлар Бюджет тизими тўғрисидаги қонун ва бошқа амалдаги меъёрий ҳужжатлар талабларига мос келишини таъминлаш шахсан Сизнинг зиммангизга юклатилганлиги тўғрисида огоҳлантираман.
“Аму-Бухоро” ирригация тизимлари
ҳавза бошқармаси бошлиғи: А.Рўзиев
Ижрочи: С.Нематов
Тел:[phone]