Аммонийли селитра ишлаб-чиқариш

NH₄NО₃ ® N₂ +2H₂О +0,5О₂ +118 кЖ

Аммонийли селитра ишлаб чиқариш технологияси қуйидаги жараёнларни ўз ичига олади:

• 
  58 – 60 % ли нитрат кислотасини газсимон аммиак билан нейтраллаш.
  
• 
  Селитра эритмасини юқори концентрланган суюқланма ҳосил бўлгунча буғлатиш.
  
• 
  Суюқланмани донадорлаш.
  
• 
  Селитра доналарни совитиш.
  
• 
  Доналар сирт фаол моддалар (СФМ) билан ишлов бериш.
  
• 
  Совитувчи ҳаво ва шарбат буғини тозалаш.
  

Тайёр маҳсулотни қадоқлаш ва сақлаш.
Қуйида (2 - расм) унумдорлиги 1360 т/кун бўлган юқори тоннажли АС–72М агрегатининг технологик таoсвири келтирилган.
Аммонийли селитра ишлаб чиқариш учун зарур бўлган аммиак омбордан 1,4 МПа босим остида сўриб олиниб, буғлатгичларда газ ҳолатига ўтказилади. Газ ҳолатидаги аммиак иситгич (1) га берилади, у ерда 120 – 160⁰С гача иситилади. Иситилган аммиак иккита параллел ҳолатда жойлашган НИФ қурилмаси (3) ни пастки қисмига берилади.
Бир вақтнинг ўзида аммонийли селитра ишлаб чиқариш учун зарур бўлган 58 – 60 % ли нитрат кислотаси иситгич (2) да 80–90⁰С ҳароратгача иситилиб, НИФ (нейтрализация иссиқлиги дан фойдаланиш) қурилмасига берилади. НИФ қурилмасида газ ҳолидаги аммиак, нитрат кислотаси билан нейтралланиши натижасида (бу ерда ҳарорат 155-170⁰С оралиғида бўлади) аммонийли селитра эритмаси ҳосил бўлади:
NH_3(г)+HNО_3(c)=NH₄NО₃+145 кЖ.


НИФ қурилмасида ҳосил бўлган аммонийли селитра эритмаси (концентрацияси 89 - 90%) параллел жойлаштирилган донейтрализаторларга берилади.