Amaliyot xisoboti. Amaliyot muassasasi tarixi hamda ish faoliyati. Xalq banki

Amaliyot xisoboti.

Amaliyot muassasasi tarixi hamda ish faoliyati.

Xalq banki. Oʻzbekiston Respublikasi davlat-tijorat xalq banki — yirik universal davlat-tijorat jamgʻarma banki hisoblanadi. 1992 yilda sobiq davlat mehnat jamgʻarma kassalari (1923) negizida tashkil etilgan mehnat jamgʻarmalari va aholini kreditlash maxsus banki — SSSR jamgʻarma banki (1987)ning Oʻzbekiston boʻlimi asosida Oʻzbekiston jamgʻarma banki tashkil etildi. 1995 yilda bu bank hukumatning maxsus qarori bilan Oʻzbekiston Respublikasi davlat-tijorat xalq banki deb nomlandi. Boshqaruvi Toshkent shahrida. Bank taʼsischilari: Oʻzbekiston Respublikasi Moliya vazirligi (51%) va Oʻzbekiston Respublikasi Markaziy banki (49%).

Xalq banki keng tarmoqli universal bank, respublikadagi bank tizimining yirik boʻgʻinlaridan biri hisoblanadi. 14 ta hududiy filiali, 188 tuman (shahar) filiali, 144 mini bank, 2517 ta shoxobchalarga ega. Jismoniy va yuridik shaxslarga barcha turdagi bank xizmatlarini koʻrsatadi.

Bankning asosiy vazifalari: respublikada bank jamgʻarma ishlarini rivojlantirishga qaratilgan depozit siyosatini olib borish; aholining boʻsh pul mablagʻlarini bank omonatlariga jalb qilish va ular hisobiga shakllangan resurslarni iqtisodiyotning ustuvor tarmoqlariga yoʻnaltirish; davlat va boshqa emitentlarning qimmatli qogʻozlarini xarid qilish, saqlash, hisobga olish hamda ikkilamchi bozorda oldisotdi muomalasini amalga oshirish; lahzali va boshqa turdagi lotereyalarni tashkil qilish va oʻtkazish; xoʻjalik subʼyektlari va yakka tartibda faoliyat kursatadigan tadbirkorlarga mikrokreditlar berish; yuridik va jismoniy shaxslarga hisobkitob — kassa xizmati koʻrsatish, uchinchi shaxs foydasiga toʻlovlar qabul kilish va boshqa Bank muassasalari davlat tomonidan koʻp bolali va kam taʼminlangan oilalarga tayinlanadigan nafaqa va yordam pullarini egalariga tarqatdi.

Xalq banki Jahon jamgʻarma banklari instituti, Germaniya xalqaro hamkorlik boʻyicha jamgʻarma kassalari fondi bilan hamkorlik qiladi. Xalqaro jamgʻarma banklari assotsiatsiyasi, "SWIFT", "WESTERN UNION" xalqaro toʻlovlar tizimiga aʼzo.

Xalq banki shuningdek mobil banking xizmatini ham ko’rsatadi. Internet-banking — Sizga Internet orqali o’z hisob raqamingizni boshqarishga imkon beruvchi interaktiv bank xizmatidir. Internet-banking texnologiyasidan foydalanish uchun Sizga Internetga ulangan hamda Microsoft Internet Explorer brauzeri o’rnatilgan kompyuterga ega bo’lish yetarli.