|
Yuqori turuvchi organlar nomi:
O‘zbekiston Respublikasi Vazirlar Mahkamasi
O‘zbekiston Respublikasi Moliya Vazirligi
O‘zbekiston Respublikasi Markaziy banki
Bank faoliyatining predmeti va maqsadlari:
O’zbekiston Respublikasining 1996 yil 25 avpreldagi 216-1 – sonli “Bank va banklar faoliyati haqida” gi qonundan kelib chiqib, Bank – yuridik shaxs bo’lgan tijorat tashkiloti sanalib, bank faoliyati deb yuritiluvchi quyidagi faoliyat turlari jamlamasini amalga oshiradi:
Yuridik va jismoniy shaxslardan omonatlar qabul qilish va o’z tavakkalchiligi asosida yig’ilgan mablag’larni kreditlash hamda investitsiyalashda foydalanish
to’lovlarni amalga oshirish
Yuqoridagilardan kelib chiqib, shuni aytish mumkinki, bank faoliyatining predmeti bo’lib pul mablag’lari shaklidagi bank krediti va omonatlari hisoblansa, bank faolliyatining asosiy maqsadi daromad ko’rish hisoblanadi.
“Hamkorbank” ATB -O’zbekiston Respublikasi Markaziy banki litsenziyasi asosida ish yurituvchi tashkilot bo’lib, pul mablag’larni jalb qilishni amalgam oshiradi va qaytarishlilik, to’lovlilik, muddatlilik shartlarida o’z nomidan joylashtiradi. Bank yuridik shaxs sifatida foyda olishga yo’naltirilgan tijorat faoliyatini yuritadi.
Bank xodimlari tarkibi ko’plab malakali kardlardan iborat bo’lib, bank joriy amaliyotlarini ulardan o’rganish amaliyot o’tayotgan talabada malakaviy bilimlar ortishiga o’z hissasini qo’shadi.
“Hamkorbank” ATB o’z mijozlariga ko’plab xizmatlarni filiallar va ularning minibanklari va boshqa maxsus tuzilmalar orqali amalga oshiradi. Bugungi kunda “Hamkorbank” Xo’jaobod filialida tarkibida “Yangi avlod”, “Xo’jaobod” kabi bir qancha minibanklar va shu qatorda maxsus kassalar faoliyat yuritadi. Ular tomonidan mijozlarning to’lov hujjatlarini qabul qilish va naqd pulsiz hisob-kitob tizimida o’tkazishga tayyorlash, kassa amallarini bajarish, turli xalqaro pul o’tkazmalari orqali mablag’larni berish va jo’natish, kommunal va aloqa xizmati uchun to’lovlarni qabul qilish va boshqa xil operatsiyalar amalga oshiriladi.
Minibanklarda o’rtacha 3-4 ta xodim faoliyat yuritadi va ular kun yopilgandan so’ng kunlik bajarilgan operatsiyalar to’g’risidagi hujjatlarni o’zlari bo’ysunadigan filialga taqdim etishadi. Minibanklar bankning chakana biznes bo’limiga bo’ysunadi , ushbu bo’limning barcha kunlik ishlari esa ma’muriyat tomonidan keyingi nazoratdan o’tkaziladi.
Bundan tashqari malakaviy amaliyot davomida Markaziy bank Toshkent shahar boshqarmasi va boshqa muttasaddi tashkilotlar tomonidan kasb-hunar kollejlari bitiruvchilari uchun turli yarmarkalar tashkil etildi va unda “Hamkorbank” ATB Xo’jaobod filialida ham munosib ishtirok etdi. Shunga o’xshash tadbirlarda biz amaliyotchilar munosib qatnashishga harakat qildik.
Bankning Nizomi O’zbеkiston Rеspublikasi Markaziy Bankida «Andijonbank» aksiyadorlik tijorat banki nomi bilan 1991 yil 31 avgustda 20 - raqam bilan ro’yxatdan o’tgan. «Hamkorbank» ATB nomi bilan 2000 yil 24 iyulda 64 - raqam bilan O’zbеkiston Rеspublikasi Markaziy bankida qayta ro’yhatdan o’tgan. «Hamkorbank» ATB nomi bilan 2008 yil 21 avgustda 64 – raqam bilan O’zbеkiston Rеspublikasi Markaziy bankida qayta ro’yhatdan o’tgan bo’lib, ushbu bank 28 yillik tarixga ega. Bankning asosiy yirik aktsionerlari:”Hamkorbank”ATB aksiyadori Ibragimov Ikram Ibragimovich aksiyadorlik kapitalining 20% dan ortiq qismiga egalik qilmoqda. Xalqaro Moliya korparatsiyasi (Jahon banki aguruhi a’zosi) 14.5% aksiyasiga egalik qilmoqda. Shuningdek Gollandiya rivojlanish banki ham 15% aksiyadordir.
Bank o’z faoliyati boshidanoq mijozlar manfaatidan kelib chiqqan holda ish tashkil qilish, ularning talablariga mos zamonaviy bank xizmatlarini tashkil etishga e'tiborni kuchaytirdi. Mijozlarga qulay sharoitlar yaratish maqsadida ularning xohish istaklarini inobatga olib joylarda filiallar, minibanklar tashkil qilishga alohida ahamiyat berildi.
Xamkorbank bosh ofisi Andijonda joylashganligi sababli Toshkent shaxrida bosh vakolatxona ishlab turibdi. Mazkur bank ko’plab Xalqaro tashkilotlar a’zosi hisoblanadi.
Do'stlaringiz bilan baham: | 
