Amaliyot obyektining faoliyati va tashkiliy tuzilmasi bilan tanishish

KIRISH

Men Mo’minov Mirzobek Xolmurod o’g’li Toshkent Moliya Instituti, 4-kurs MM-74 IQ guruh talabasi O’zbekiston Respublikkasi Vazirlar Mahkamasining 2001-yil 16-avgustdagi “Oliy ta’limning davlat ta’lim standartlarini tasdiqlash to’g’risida”gi 343-sonli Qarori 1-ilovasi 5.1.-bandiga muvofiq kasb faoliyati ko’nikmalarini egallash maqsadida 2021-yil 1-fevraldan 2021-yil 13-martgacha CHEKI “Hamkorbank” ATB Toshkent filialida tanishuv amaliyotini o’tadim.

Tanishuv amaliyot davomida Toshkent Moliya institutining “Moliya” kafedrasi majlisida muhokama etilgan va maqullangan tanishuv amaliyot dasturi asosida quyidagi namunaviy mavzular bo’yicha o’z amaliyotimni olib bordim:

1. 
   Amaliyot obyektining faoliyati va tashkiliy tuzilmasi bilan tanishish;
   
2. 
   Amaliyot obyekti faoliyatini tartibga soluvchi me’yoriy-huquqiy hujjatlarni o’rganish;
   
3. 
   Amaliyot obyektining moliyaviy hisobotlari bilan tanishish;
   
4. 
   Amaliyot obyektining istiqboldagi rivojlanish yo`nalishlarini o’rganish;
   

Qolaversa amaliyot davomida o‘quv jarayonida olgan nazariy bilimlarimni chuqurlashtirish va mustahkamlash, hamda bitiruv malakaviy ishlarini sifatli tayyorlash uchun zaruriy ma’lumotlarni to’pladim va tizimlashtirdim.

Ta’lim va uning barcha tarkibiy tuzilmalarini takomillashtirib borish oldimizda turgan dolzarb masalalardan biridir. Shu boisdan fanlar bo’yicha bilimlar majmuasini o’zlashtirish, nazariy va amaliy mashg’ulotlar uzviyligida malaka hamda ko’nikmalarni mukammal shakllantirishda tanishuv amaliyotining o’rni beqiyos. Amaliyot davomida institut tomoidan berilgan dastur asosida har bir mavzuga oid me’yoriy-huquqiy hujjatlarni va amaliy ma’lumotlarni o’rganib, ularning asosiylarini hisobotimga ilova qilmoqdaman.

Tanishuv amaliyot davomida yuqoridagi mavzular doirasida bankning front ofis, bek ofis, midl ofis, chakana biznes va kassa xizmatlari bo’limi ishlari bilan tanishildi. Ushbu jarayonda nazariy ma’lumotlar asosida amaliy harakatlarni kuzatish imkoniyati yaratib berildi va bu amaliyotning to’liq va samarali o’tishini ta’minladi.