Amaliy mashg’ulotlar

Muomalada samimiyat 
“Qalovini topsang qor ham yonadi”, deydi dono xalqimiz. Har bir ishda, xatti-
harakatda  o‘ziga  xos  bilimdonlik,  ustaomonlik  qo‘llanilmasa,  u  ko‘ngildagidek 
natija bermaydi. Biz yashayotgan jamiyatda har kimning o‘z hunari, o‘z o‘rni bor. 
Odam borki nimagadir qodir. 
Alisher  Navoiy  bobomizning  “Mahbubul-qulub”  asarida  “Falak  jismining 
joni  -  so‘z”,  degan  gapi  bor.  Dunyoda  jonsiz  narsani  o‘zi  yo‘q.  Hamma  jismlar 
harakatda, bir dam to‘xtamaydi. 

---

Umar Hayyom ham “Navro‘znoma” asarida shunday  yozadi: “Men so‘zdan 
mo‘tabarliroq  hech narsa topolmadim.. Undan afzalroq narsa bo‘lganida edi, Haq 
taolo Payg‘ambar (s.a.v.)ga o‘sha narsa bilan murojaat qilgan bo‘lardim” (10 bet). 
Afsuski  oddiygina  xushmuomilalik  va  samimiy  munosabatni  o‘rniga  qo‘ya 
olmaydigan odamlar ham ko‘plab uchraydi. Ular kimningdir dilini og‘ritib gunohkor 
bo‘layotganliklarini  anglab  yetishdan  ojizdirlar.  Hammani  hayron  qoldiradigan, 
butun dunyoga shov-shuv bo‘ladigan kashfiyotlar yaratmasin, muomala me’yorini 
va  insoniy  samimiyatni  to‘g‘ri  yo‘lga  qo‘ya  olmasalar,  ko‘zlangan  maqsadlariga 
erisha olmaydilar. 
 
 
8-rasm. 
 “Garvard (8-rasm) universitetining professori Uilyam Jeyms shunday yozadi: 
“Qanday  bo‘lishimiz  kerakligini  qiyoslab  ko‘rsak,  biz  hali  mudrab  yotibmiz.  O‘z 
jismoniy  va  aqliy  imkoniyatlarimizning  arzimas  qismidangina  foydalanib 
kelmoqdamiz. Aytish mumkinki, inson o‘z salohiyatidan ancha quyida yashamoqda. 
U  odatda  foydalanmayotgan  juda  ko‘plab  turli  qobiliyatlarga  ega”.  Shunday 
qobiliyatlardan  biri  -  insoniy  muamala  va  samimiy  munosabat.  Bunda  maqtovni 
ham, rag‘batni ham ishga solib suhbatdoshingizning ham mehrini qozonasiz, ham 
ulkan ishlarni qilishga da’vat etgan bo‘lasiz. Suhbatdoshingizning dilini og‘ritmagan 
holda  samimiy  munosabatda  bo‘lib,  o‘z  ta’siringizni  o‘tkazing.  Uy  qurgan  bo‘lsa 
uyini maqtang, mashina olgan bo‘lsa, mashinasini maqtang biror yutuqqa erishgan 
bo‘lsa, xayrixohligingizni bildiring, hatto ro‘zg‘orda rafiqangiz tayyorlagan ovqatni 
maqtab  iste’mol  qiling,  farzandingiz  maktabdan  “5”  baho  olib  kelgan  bo‘lsa, 
qizingiz  uyni  tozalab  supurgan  bo‘lsa,  ularni  ham  maqtang.  Maqtovda  o‘rtacha, 
muomalada samimiy bo‘ling.