Amaliy mashg’ulot

Chiziqlar. SHriftlar.

Chizmachilikda chiziqlar standartga rioya qilib chizilishi shart, faqat shundagina chizmani to’g’ri o’qib tushunish mumkin. Quyida GOST 2.303-68 tavsiya etgan chiziq turlari va ularning tadbig’i to’g’risida asosiy ma`lumotlar berilgan.

• Asosiy tutash chiziq bilan chizmaning ko’rinib turadigan kontur chizig’i, o’tish chizig’i, chetga chiqarib chizilgan kesim va qirqim tarkibiga kiruvchi kontur chiziqlar chiziladi. Uning yo’g’onligi s=0,5  1,4 mm bo’ladi. Bu chiziqni «TM», «HB», «M», «B» va «2M», «2B» qattiqlikdagi qalamlarda chiziladi.
• Ingichka tutash chiziq qalinligi asosiy chiziq qalinligidan 2-3 barobar ingichka bo’lib, asosan, kesim konturlari (ustiga chizilgan kesim), kesim va qirqimlarni shtrixlashda, chiqarish va o’lcham chiziqlarida va boshqalarda ishlatiladi. Bu chiziqni «T», «H», «2T», «2H» qattiqlikdagi qalamlarda chiziladi.
• Tutash to’lqin chiziq yo’g’onligi asosiy chiziqdan 2-3 marta ingichka bo’lib, ko’rinish va qirqimlarni, mahalliy qirqimlarni chegaralash, detalni o’yiq chiziqlarini ko’rsatishda ishlatiladi.
• Shtrix chiziq detallarni ko’rinmas kontur chiziqlarini ifodalashda ishlatiladi. Uning yo’g’onligi asosiy chiziqdan 2-3 marta ingichka, shtrixlar uzunligi 2  8 mm va ular orasidagi masofa 1-2 mm bo’ladi.