Amaliy mashg‘ulot. Tarmoqni trassalash. Tarmoqning gidravlik hisobi. Kanalizatsiya tarmog‘ining bo‘ylama qirqimini chizish Reja

17-rasm. Quvurlar sathi bo‘yicha ulash.

18-rasm. Suv sathi bo‘yicha ulash.

Bo‘ylama kesim quyidagi masshtabda bajariladi: gorizontal 1:5000 va vertikal 1:50, 1:100 va 1:200.

Bo‘ylama kesim asosida beshta qator quyidagi qiymatlar bo‘ladi (pastdan tepaga qarab): hisobli nuqtalar raqami; ular orasidagi masofa; quduqlar chuqurligi; lotok tubi satxi; er sathi.
Kanalizatsiya tarmoqlarining konstruktsiyalash qoidalari.
Tarmoqlardagi normal gidravlik sharoit, to‘g‘ri gidravlik hisob va bo‘ylama kesimni tuzish to‘g‘ri konstruktsiyalash qoidasi asosida hosil kilinadi. Tarmoqlarni konstruk-tsiyalashda quyidagi qoidalarga rioya qilish zarur:
1. Quduqlar orasidagi kanalizatsiya tarmog‘i to‘g‘ri chiziq shaklida bo‘lishini;
2. Oqova suvlar tezligi oqim bo‘ylab oshib borishi zarur. , hisobiy tezlikni kamayishi sharshara quduqlardan keyin bo‘lishi mumkin;
3. Yon tomondan qo‘shilayotgan kollektorlarning oqim tezligi asosiy kollektorning oqim tezligidan kichik bo‘lishi kerak;
4. Olib ketuvchi va qo‘shiluvchi quvurlar orasidagi burchak 90 grad. dan kichik bo‘lmasligi kerak;
5. Tarmoqlarning burilgan joyida, nishablik va diametr o‘zgarganida, bir va undan ortiq quvurlar kelib tutashgan joylarida quduqlar o‘rnatilishi kerak;
6. Har xil diametrli quvurlarni bir-biriga ulash quvurning yuqori sathi yoki suv sathi bo‘yicha amalga oshiriladi;
7. Quduqlarda quvurlar ochiq lotoklar yordamida tutashi zarur;
Nishablik keskin o‘zgargan joylarda, oqim tezligini kamaytirish uchun sharsharali tezoqar quduqlar o‘rnatilishi kerak.
Nazorat savollari:
1. Trassalash deb nimaga aytiladi va necha xil bo‘ladi va ularning shakllarining turlari.
2. Bo‘laklardagi oqova suvlar sarfini aniqlash necha xil bo‘ladi va qanday aniqlanadi?
3. Quvurlarning chuqurligini aniqlash nimalarga bog‘liq va qanday aniqlanadi?