Amaliy mashg‘ulot N: 1 Atom tuzilishi haqidagi talimotning rivojlanishi tarixi

7. Elektron bulutning zichligi.

Elektronning atomda harakatlanish traektoriyasi bo‘lmaydi. Kvant mehanikasi elektronni yadro‘ atrofidagi fazoda bo‘lish ehtimolini ko‘rib chiqadi. Tez harakatlanayotgan elektron yadroni qurshab olgan fazoning istalgan qismida bo‘lishi mumkin va uning turli holatlari muayyan zichlikdagi manfiy zaryadli elektron bulut sifatida qaraladi. Agar vaqtning juda qisqa oraliqlarida elektronning atomdagi xolatini rasmga olib, bu suratlarni ko‘pchiligini ustma-ust joylashtirilsa elektron bulut manzarasi xosil bo‘ladi.Nuqtalar eng ko‘p bo‘lgan joyda bulut eng zich bo‘ladi. Maksimal zichlik atom bo‘shlig‘ining ana shu qismida elektronning eng ko‘p bo‘lish ehtimolini ifodalaydi. Yaxroga yaqinlashgani sari elektron zichlik siyraklashadi. Juda yaqin joyda deyarli bo‘lmaydi. Yadrodan uzoqlashgani sari elektron zichlik ortib boradi va 0.053nm masofada maksimal qiymatga yetadi, so‘ng asta-sekin kamayadi. Xarakatdagi elektronning bo‘lish ehtimoli yadrodan 0.053nm masofada eng ko‘p bo‘ladi.