Amaliy mashg’ulot №3

Boldir suyaklari ikkita naysimon suyakdan, ya’ni medial (ichki) tomonda joylashgan katta boldir va lateral (tashqi) tomonda joylashgan kichik boldir suyagidan tashkil topgan. Bu ikki suyak orasidagi masofa spatium interosseum cruris deyiladi. Katta boldir suyagi (tibia) kichik boldir suyagiga nisbatan katta hajmda, yuqori uchi (epiphizi) da medial do'ng (condylus medialis) va lateral do'ng (condylus lateralis) bor. Ikkala do'ngning yuzasida son suyagi bilan bo'g'im tuzish uchun botiqroq yuza (facies articularis superior) joylashgan. Bo’g’im yuzalar ana shu ikkala do'mboq (medial do'mboq- tuberculum intercondylare mediale, lateral do'mboq - tuberculum intercondylare laterale) dan tuzilgan tepacha (eminentia intercondylaris) vositasida bir-biridan ajiralib turadi. Tepachaning old tomonidagi yuza area interkondylaris anterior, orqa tomonidagi yuza esa area interkondylaris posterior . Lateral do'ngning pastki va orqa tomonida kichik boldir suyagining yuqori uchi birlashadigan yassi bo’g’im yuzasi (facies articularis fidularis) bor.