Amaliy ish №44 mavzu: ЎҒил болалар ва эркаклар курткасининг (астарсиз ва астарли) намунасини тайёрлаш ishdan maqsad

1-rasm.O’g’il bolalar kurtkasi.
1-engga ishlov berish;

1,2-eng bo’laklariga bezak baxyaqator yuritish; 3-kapyushonga ishlov berish; 4-eng uchiga ishlov berish.

O’tgan modullarda kurtkaning mayda bo’laklari, astari, kapyushonlari tayyor holatga keltirildi. Mayda bo’laklari tayyorlangan kurtkani yig’ish ishlari, oxirgi NII beriladi.

Avraning va astarning yelka choklari biriktirib tikilishdan oldin astar avraga solishtirib tekshiriladi. Buning uchun kurtka avrasi, uning teskarisini yuqoriga qaratib, stol ustiga yoziladi. Avra ustiga astar, uning teskarsini pastga qaratib qo’yiladi. Avra bilan astarning yon va yelka choklari bir-biriga to’g’rilanadi. Astarning ko’krakdagi bo’rtma joylarini salqi qilib turib, astarning bo’yi va eni tekshirib ko’riladi va tekislanadi. Avra bilan astarning bort qirqimlarida belgi chiziqlar bo’rlanadi. Astarning etagini avra etagining bukish chizig’iga to’g’rilab, 1.0-1.5 sm kirib turadigan qilib qirqiladi. Yoqa yoqa o’miziga kertimlarini kertimlariga to’g’rilab to’g’nog’ich to’g’naladi, kiyim tomondan salqiroq qilib ko’klanadi. (Salqiroq qilib ko’klashning sababi qiya bichilgan qirqim cho’zilib ketmasligi uchun). So’ngra astarni avraga o’ngini o’ngiga qo’yib qirqimlarini to’g’rilab, tekislab bo’rtma joylarida salqi qilib ko’klanadi. So’ngra to’g’nog’ichlar olib tashlanib universal mashinada 0.7-1.0 sm kenglikda biriktirib tikiladi, ko’klangan iplar olib tashlanadi. Astarning etagi avra etagi ziyiga moslanib, 1 sm chok haqqi bilan biriktirib tikiladi. Burchaklar kesilib kurtka astar o’rta chokidan qoldirilgan joydan o’ngiga ag’dariladi.
Yoqa o’mizlari etak, burchaklari to’g’rilanadi.
Avra yeng choklari, yon choklarining astar choklari bilan biriktirib mustahkamlanadi. Astar o’rta chokida qoldirilgan joyni biriktirib tikishda chokning boshi va oxiri mustahkamlanadi. Tayyor kurtka har xil iplardan, bo’rlardan tozalanadi, kapyushonni taqish uchun tugma ostki yoqaga puxtalanadi.
Tayyor kurtkani dazmollashda maxsus qolip va dazmol matodan foydalaniladi. Kurtka teskari tomondan maxsus qolipga kiydirilib yenglar dazmollanadi. Kurtka etagi dazmollanayotganda astarni avra bukish haqqi ustiga tushibroq turadigan qilib to’g’rilab, bukib dazmollanadi. Qolgan choklar ham dazmollanadi.

1-rasm. O’g’il bolalar kurtkasining chizmali ko’rinishi.

1-molniya taqilmani adipini astar bilan birlashtirib tikish; 2-kurtkaning pastki qismini tikish; 3-yoqani yoqa o’miziga o’tkazish.