Amaliy audit

 
Korxona faoliyati uzluksizligining ehtimoli
– mazkur xo’jalik subyekti kelajakda o’z 
faoliyatini davom ettirishi (hisobot davridan keyin kamida 12 oy davomida) va unda o’z faoliyatini 
tugatishga yoki qisqartirishga zaruriyat ehtimoli yo’qligini o’zida mujassamlashtirilgan buxgalteriya 
hisobining bir tamoyilidir. 
21.
 
Boshqa auditorlik tashkiloti – 
asosiy auditorlik tashkiloti hamkorlikda audit o’tkazayotgan 
hamda buxgalteriya hisoboti o’z ichiga olgan bo’limlar bo’yicha auditorlik xulosasini tayyorlash 
uchun javobgar bo’lgan auditorlik tashkilotidir. Asosiy auditorlik tashkiloti bilan munosabatlardan 
qat’i nazar boshqa auditor tashkiloti tomonidan barcha farqlanishlar tan olinadi. 
22.
 
Asosiy auditorlik tashkiloti
– xo’jalik subyektning buxgalteriya hisoboti haqida boshqa 
auditorlik tashkiloti ushbu subyekt hisobotining bir yoki bir necha bo’limlariga tayyorlangan 
ko’rsatkichlarni o’zida aks ettirgan holdagi umumiy auditorlik xulosani tayyorlash uchun javobgar 
bo’lgan auditorlik tashkilotidir. 
23.
 
Xo’jalik subyekti bilan ishni davom ettirayotgan auditorlik tashkiloti –
xo’jalik 
subyektining oldingi davr buxgalteriya hisobotlarini auditini o’tkazgan va audit o’tkazish 
shartnomasi bo’yicha ushbu auditni oxirgi hisobot davri uchun o’tkazayotgan auditorlik tashkiloti. 
24.
 
Auditor (auditor tashkilot) ning javobgarligi
- xo’jalik subyekti bilan tuzilgan shartnoma 
bo’yicha auditor (auditorlik firmasi) ning o’z majburiyatlarini bajarmasligi yoki noto’g’ri bajarishi 
natijasida qo’llaniladigan jazo choralari. Javobgarlikning ko’rinishi va shakllari amaldagi 
qonunchilik va tomonlarning kelishuvi asosida aniqlanadi. 
25.
 
Auditorlik xulosasini berishdan bosh tortish
– auditorlik faoliyatining qoidalari 
(standartlari) bilan aniqlangan, yozma shaklda ifodalangan fikrdir. Bunda audit o’tkazish hajmiga 
ta’sir shunchalik darajada bo’ladiki, ijobiy, shartli ijobiy yoki salbiy auditorlik xulosalarini 
tayyorlash uchun auditor yetarli ma’lumotlar ola olmaydi, hamda auditorning mustaqillik tamoyili 
buzilganda ham xulosa berishdan bosh tortish hollari yuz berishi mumkin.