Амалий машгулот № Туғилганда тана вазнининг камлиги. Чалалик даражалари

Медикаментоз терапия.
ЗВУР билан туғилган барча болаларга 
туғилгандан сўнг витамин К ни парентерал 1-2 мгр. юборилади, 1 доза 
бифидумбактеринни ичишга 2 маҳал тавсия этилади; ЗВУРнинг оғир 
даражаларида ҳаётининг 1-соатидан бошлаб ҳар куни 3-5 кун давомида 
мушак орасига 20 мг/кг вит Е киритиш яхши эфект беради; гипогликемияда 
20% 2-4 мг/кг глюкоза эритмаси вена ичига юборилади сўнг 80 мл/кг суткада 
10% ли глюкоза эритмаси юборилади; гипомагнемияда 25% ли магний 
сульфат эритмасини 0,2 мл/кг дан ҳар 6-12 соатда мушак орасига юборилади; 
гипокальцемияда 10% кальций глюконат эритмасини 2мл/кг вена ичига 
юборилади.
Агар гемотокрит 0.7 дан юқори бўлса 5% ли альбумин эритмаси 
ёки янги музлатилган плазма 10-15мл/кг юбориш тавсия этилади. 
Геморрагик синдромда янги гепаринлаштирилган қон ёки плазма 
10-15 мг/кг ҳисобида қуйилади; агар тана массаси етарлича ортмаса фермент 
терапия ўтказилиши шарт (фестал, панкреатин).
ЗВУР билан туғилган барча болалар ҳаётининг 1-ҳафтасидан мия 
трофикасини яхшилашга қаратилган (витамин А, В1, В6, В12, пирацетам, 
энцефабол, липоцеребрин, аминол ) ва бошқа ўзгаришларни коррекциялашга 
қаратилган терапия курслари ўтказилади. Тана массаси 2,5 кг га етгач ва 
эмлашга қарши кўрсатмалар бўлмаганда БЦЖ вакцинаси қилинади. 
Оқибати унинг варианти ва оғирлик даражасига боғлиқ.
1-даражали 
гипотрофик ва гипопластик болалар физик ривожланиши бўйича ҳаётининг 
6-ойида ўз тенгдошларига етиб олишади, баъзан кечроқ. Психомотор 
ривожланиш темпи бўйича орқада қолиши мумкин. 2-даражали ЗВУР билан 
туғилган болаларнинг кўпчилиги физик ривожланиш бўйича 1 ёшда 
тенгдошларига етиб олишади, темп бўйича психомотор ривожланишдан 
орқада қолиш ҳаётининг биринчи 2 йилида кузатилади. Эрта ривожланиш 
дефицитлари, анемиялар, рахит, енгил мия дисфункциялари кузатилади. 3-
даражали ЗВУР шунингдек диспластик вариант билаг туғилганларда физик ва 
психомотор ривожланишни орқада қолиш узоқроқ давом этади (3-4 ёш ва 
ундан кўп). Кейинчалик уларнинг 10-15% МНС нинг органиқ зарарланиш 
белгилари пайдо бўлади (болалар церебрал параличи, эпилепсия, авжланувчи 
гидроцефалия). Юқори инфекцион касалланишнинг даражасига боғлиқ 
(сепсис ва бошқалар). 

---