Амалий машғулотлар

Mavzu: Tajribaviy ma’lumotlarni qayta ishlash. Taqsimot qonunlari. Gistogramma
Reja:

1. 
   Matematik statistika masalalari.
   
2. 
   Statistik materiallar.
   
3. 
   Statistik qator (yoki emprik qator).
   
4. 
   Taqsimotning emprik qonuni.
   
5. 
   Taqsimotning emprik funksiyasi.
   
6. 
   Gistogramma.
   

Tayanch iboralar: Statistik metod, belgi, vaklni tanlash, tanlanma, bosh to‘plam, statistik material, o‘lchash xatolari, matematik ishlov berish, emprik qator, varianta, emprik qonun, variatsion qator, Chastotalar jadvali, tanlanmaning statistik taqsimoti, taqsimotning emprik funksiyasi, gistogramma.


Matematik statistika masalalari
Iqtisodiyotda, qishloq xo‘jaligida, biologiyada, tibbiyotda tasodifiy voqealarni o‘rganishda statistik metodlar muhim ahamiyatga ega. Odatda statistik metodga biror belgiga ko‘ra predmetlarning (voqealarning, individlarning) juda katta to‘plamlarining taqsimotlarini o‘rganish talab qilinganda murojaat qilinadi. Masalan, odamlar to‘plamining yoshlari bo‘yicha taqsimoti, biror turkumdagi hayvonlarning og‘irliklari bo‘yicha taqsimoti va hokazolar.
Har qanday belgi amaliyotda miqdoriy bahoga ega bo‘lganligi uchun narsalarning belgiga ko‘ra taqsimoti haqida gapirish o‘rniga qandaydir X tasodifiy miqdor haqida gapirish mumkin.
X miqdor bog‘langan tajriba muayyan to‘plamdan tavakkaliga bitta vaklni tanlashdan iborat bo‘lib, X ning qabul qiladigan qiymati belgining shu vakl uchun qabul qiladigan qiymati bo‘ladi.
Bunday taqsimotning to‘la tavsifini muayyan to‘plamning istisnosiz barcha vakili uchun belgining qiymatini aniqlash bilan olish mumkinligi tushunarli. Lekin to‘plamning hajmi juda katta bo‘lsa, buni qilib bo‘lmaydi. Bu holatdan chiqish yo‘li butun to‘plamni tekshirish o‘rniga undan tavakkaliga tanlangan qismi tekshiriladi. Bunday qism odatda tanlanma deyiladi. Butun to‘plam esa bosh to‘plam deyiladi. Masalan, Samarqand shahrida yashovchilarning kiyadigan kiyimlarini razmeri bo‘yicha taqsimoti haqida gapirilganda bitta, bitta uyda yashovchi kishilarga oid ma’lumotlarni olish mumkin.