Амалий машғулот керамик иссиқлик изоляция маҳсулотларини ишлаб

Массани тайёрлаш. Кўпик диатомит массани диатомит шликерни олдиндан олинган кўпик билан аралаштириб тайёрланади. Кўпик ва шликерлар нисбати маҳсулотларнинг берилган ҳажмий оғирлигига боғлиқ: ҳажмий оғирлик қанчалик кичик бўлса, шунчалик кўп кўпикни шликер билан аралаштириш керак.
Сув миқдори асосан хом ашёнинг табиий хусусиятлари ва майдалигига боғлиқ. Майдалик қанчалик нозик бўлса, аниқ қуюқликдаги шликер тайёрлашга шунчалик кўп сув кетади. Шунинг учун берилган ҳажмий оғирликка эришиш учун камроқ кўпик сарф қилинади.

Бир жинсли ва турғун кўпикмасса олиш учун, уни тайёрлашда қуйидаги шартларни бажариш зарур:

а) шликерни ҳажмий оғирлиги 1280-1330 кг/м³ чегарасида бўлиши;
б) шликер консистенцияси унга стандарт конуснинг 10-12 см чуқурликка чўкишига мос келиши;
в) шликер температураси 25-30⁰С дан ошмаслиги;
г) кўпик ҳажмий оғирлиги 50-65 кг/м³ чегарасида бўлиши;
д) кўпик тайёрлангандан кейин 30 мин давомида бузилмаслиги (чўкмаслиги);
е) барабанли – аралаштиргичга аввал шликер, кейин эса кўпик солиниши;
ж) кўпик диатомит масса ҳажмий оғирлиги қанчалик юқори бўлса, тайёрланаётган маҳсулотнинг маркаси шунчалик юқори бўлади, масалан:
350 маркали маҳсулотлар учун ... ... ... 800 дан 850 кг/м³ гача;
400 маркали маҳсулотлар учун ... ... ... 900 дан 950 кг/м³ гача;
450 маркали маҳсулотлар учун ... ... ... 1000 дан 1050 кг/м³ гача.