Амалиёт бўйича ҳимоя балли: Сана: 2019й

Ҳужжат номи, рақами ва қабул қилинган сана

	Ўзбекистон Республикасининг 2014 йил 12-сентябрдаги «Биржалар ва биржа фаолитияти тўғрисида» ги қонуни (янги таҳрирда)
	Ўзбекситон Республикасининг 2014 йил 6-майдаги“Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги Қонуни (янги таҳрирда)
	Ўзбекистон Республикасининг 2018 йил 9-апрелдаги “Давлат харидлари тўғрисида”ги Қонуни
	Ўзбекистон Республикаси Президентининг 2018 йил 30-октябрдаги ПФ-5564-сонли “Товар бозорларида савдони янада эркинлаштириш ва рақобатни ривожлантириш чора-тадбирлари тўғрисида”ги фармони
	Ўзбекистон Республикаси Президентининг 2018 йил 17-январдаги “Мамлакат иқтисодиётининг тармоқларини талаб юқори бўлган маҳсулот ва хом ашё турлари билан барқарор таъминлаш чора-тадбирлари тўғрисида”ги Қарори ПҚ–3479-сон Қарори
	Ўзбекистон Республикаси Президентининг 2017 йил 14-ноябрдаги ПҚ–3386-сонли “Ёқилги-энергетика ресурслари ҳамда бошқа юқори ликвидли маҳсулотлар билан таъминлаш борасида рақобат муҳитини такомиллаштириш, суиистеъмолчиликлар ва талон-тарожликлар шароитини тугатиш, тўлов интизомини мустаҳкамлаш, дебиторлик ва кредиторлик қарзларинн камайтириш чора-тадбирлари тўғрисида”ги Қарори Қарори
	Ўзбекистон Республикаси Президентининг 2018 йил 27-сентябрдаги “Давлат харидлари тўғрисида”ги Қонунини амалга ошириш чора-тадбирлари тўғрисидаги” ПҚ–3953-сон қарори
	Ўзбекистон Республикаси Президентининг 2018 йил 16-январдаги ПФ-5303-сонли “Мамлакатнинг озиқ-овқат хавфсизлигини янада таъминлаш чора-тадбирлари тўғрисида” ги Фармони
	Ўзбекистон Республикаси Вазирлар Маҳкамасининг 2018 йил 17-январдаги “Биржа ва кўргазма-ярмарка савдоларини тартибга солишга доир қўшимча чора-тадбирлар тўғрисида” 33-сонли Қарори
	Ўзбекистон Республикаси Вазирлар Маҳкамасининг 2018 йил 14-февралдаги “"Ўзпахтасаноат" акциядорлик жамияти корхоналарида ишлаб чиқарилган пахта толасини сотиш ва ҳисоб-китоблар механизмини такомиллаштириш тўғрисида”ги 106-сонли Қарори
	Ўзбекистон Республикаси Вазирлар Маҳкамасининг 2016 йилнинг 30-августдаги “Пахта толасини сотиш ва ҳисоб-китоблар механизмини такомиллаштириш тўғрисида” 286-сонли қарори
	Ўзбекистон Республикаси Вазирлар Маҳкамасининг 2016 йилнинг 2 августдаги “Электрон ярмаркалар, аукцион ва танловлар ташкилотчиларининг ахборот воситачиларининг фаолиятини ташкил этиш тартиби тўғрисидаги Низомни тасдиқлаш ҳақида” 249-сонли қарори
	Ўзбекистон Республикаси Вазирлар Маҳкамасининг “ЎзРТХБ" АЖ биржа савдоларида қимматбаҳо металларни сотиш тартиби тўғрисидаги Низомни тасдиқлаш ҳақида” 186-сонли Қарори
	Ўзбекистон Республикаси Президентининг 2006 йил 29 августдаги ПҚ–456-сонли “Пахта толасини сотиш ва унинг учун ҳисоб-китоб қилиш механизмини тартибга солиш тўғрисида”ги қарори
	Ўзбекистон Республикаси Вазирлар Махкамасининг 05.02.2004 йилдаги «Махсулотлар, хом-ашё ва материалларнинг юқори ликвидли турларини сотишнинг бозор механизмларини жорий этишни давом эттириш тўғрисида»ги 57-сонли қарори
	Ўзбекистон Республикаси Вазирлар Маҳкамасининг 21.06.2011 йилдаги “Маҳсулотларнинг монопол турларини товар-хом ашё биржаси орқали сотиш рўйхатини янада кенгайтириш ва ҳажмларини кўпайтириш чора-тадбирлари тўғрисида”ги 185-сонли қарори
	Ўзбекистон Республикаси Вазирлар Маҳкамасининг 15.04.1999 йилдаги 174-сонли “Улгуржи ва биржа савдосини янада такомиллаштириш чора-тадбирлари тўғрисида”ги қарори
	“Ўзбекистон Республикаси товар-хом ашё биржасида чет эл валютасида тузилган экспорт шартномаларини рўйхатдан ўтказиш, ҳисоб-китобларни ва уларнинг ижроси устидан назоратни амалга ошириш тартиби тўғрисида”ги 2005 йил 23 июндаги 1482-сонли Низом”
	ЎзРТХБнинг валюта майдончаси орқали сотиладиган юқори ликвидли маҳсулотлар нархларини шакллантириш тартиби тўғрисидаги Низом
	Биржа савдоларида суюлтирилган газни сотиш тартиби тўғрисида Низом
	Омухта емни биржа савдолари орқали реализация қилиш (сотиш) тартиби тўғрисидаги низомни тасдиқлаш ҳақида
	Омихта емни биржа савдоларида сотиш тартиби тўғрисидаги Низом
	Пахта линтини ЎзРТХБ биржа савдоларида сотиш тартиби тўғрисидаги Низом
	ЎзРТХБ биржа савдоларида полиэтиленни сотиш тартиби тўғрисидаги Низом
	ЎзРТХБ биржа савдоларида кўмирни сотиш тартиби тўғрисидаги низом
	ЎзРТХБ биржа савдоларида рангли металларни сотиш тартиби тўғрисидаги Низом
	ЎзРТХБ биржа савдоларида цементни сотиш тартиби тўғрисидаги Низом
	ЎзРТХБ биржа савдоларида шиферни сотиш тартиби тўғрисидаги Низом

Манба: “Ўзбекистон Республика товар-хом ашё биржаси”АЖ расмий веб-сайти –www.uzex.uz.

Биржанинг почта манзили: Ўзбекистон Республикаси, 100090, Тошкент шаҳри, Яккасарой тумани, Бобур кўчаси, 77 уй.

Биржанинг электрон почта манзили - [e-mail], жамиятнинг веб-сайти www.uzex.uz.


2. “Ўзбекистон Республика товар-хом ашё биржаси ”Акциядорлик жамиятида корпоратив бошқарувни жорий этишда Ҳаракатлар стратегияси доирасидаги ислоҳотларнинг ҳисобга олинишига эътибор қаратилиши

Мамлакатимизда амалга оширилаётган кенг кўламли ислоҳотларда иқтисодиётда маъмурий-буйруқбозликка асосланган бошқарув тизимидан мутлақо воз кечилиб, бозор ислоҳотлари босқичма-босқич амалга ошириш, макроиқтисодий барқарорликни, иқтисодиётнинг юқори суръатлар билан ўсишини таъминлаш ҳамда кичик бизнес ва хусусий тадбиркорликни ривожлантириш учун кенг имкониятлар ва қулай шароитлар яратилмоқда.

Айни вақтда мамлакатимиз босиб ўтган тараққиёт йўлининг чуқур таҳлили, бугунги кунда жаҳон бозори конъюнктураси кескин ўзгариб, глобаллашув шароитида рақобат тобора кучайиб бораётгани давлатимизни янада барқарор ва жадал суръатлар билан ривожлантириш учун мутлақо янгича ёндашув ҳамда тамойилларни ишлаб чиқиш ва рўёбга чиқаришни тақозо этмоқда.
“2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси”да:

• 
  иқтисодиёт тармоқлари учун самарали рақобатбардош муҳитни шакллантириш ҳамда маҳсулот ва хизматлар бозорида монополияни босқичма-босқич камайтириш;
  
• 
  принципиал жиҳатдан янги маҳсулот ва технология турларини ўзлаштириш, шу асосда ички ва ташқи бозорларда миллий товарларнинг рақобатбардошлигини таъминлаш;
  

• 
  корпоратив бошқарувнинг замонавий стандарт ва усулларини жорий этиш, корхоналарни стратегик бошқаришда акциядорларнинг ролини кучайтириш;
  

• 
  хизмат кўрсатиш соҳасини жадал ривожлантириш, ялпи ички маҳсулотни шакллантиришда хизматларнинг ўрни ва улушини ошириш, кўрсатилаётган хизматлар таркибини, энг аввало, уларнинг замонавий юқори технологик турлари ҳисобига тубдан ўзгартириш каби бир қатор вазифалар белгилаб берилган.
  

Ҳаракатлар стратегияси ва бошқа меъёрий ҳужжатларда белгилаб берилган вазифалардан келиб чиқиб, “Ўзбекистон Республика товар-хомашё биржаси” АЖ ўзининг узоқ-муддатли (2016-2025 йиллар учун) ва ўрта муддатли (2016-2018 йиллар учун) ривожлантириш стратегияси ва йўл харитасини ишлаб чиққан.
Ушбу стратегиянинг бош мақсади биржанинг акциядорлари, ходимлари ва бизнес ҳамкорлари манфаатларида тезкор ривожлантириш мақсадида тизим мобайнида тартибга солинадиган биржа истиқболли ресурсларидан фойдаланишнинг имтиёзли йўналиш, шакл, усул ва услублари тизимини яратишдан иборат. Стратегиянинг бош вазифалари бўлиб қуйидагиларни аниқлаш ҳисобланади:
- биржанинг замонавий ҳолати, унинг республика иқтисодиётидаги ўрни, заиф ва кучли тарафлари, рақобатбардош муҳитни аниқлаш;
- корпоратив миссия ва қадриятни аниқлаш;
- биржа стратегик мақсад ва вазифаларини аниқлаш;
- биржа стратегиясини аниқлаш;
- биржа стратегиясининг реализация механизмларини аниқлаш;
- келгуси беш йиллик давр мобайнида фаолиятнинг асосий ва батафсил йўналишларини аниқлаш;
- корпоратив бошқарувни такомиллаштириш усулларини аниқлаш; ижтимоий сиёсат асосларини аниқлаш.
Мазкур стратегия биржа ривожланиши ёндашув ва йўналишлари, уларни реализация қилиш механизмларини белгилайдиган энг муҳим ҳужжатлардан бири саналади. Қолган бошқа барча дастур, режа ва лойиҳалар, маҳаллий далолатнома ва тасарруф ҳужжатлари ушбу стратегия қоидаларига асосланади ва унга қарши бўлмаган қисмида қонуний кучга эга бўлади.