Амалдаги Меҳнат кодекси ва янги Меҳнат кодекси лойиҳасининг қиёслама жадвали

Хизмат сафарига юбориш

Хизмат сафарига юбориш ҳуқуқий тартибга солинмаган	Ходимни бошқа иш берувчига хизмат сафарига юбориш тартибини, шу жумладан шартнома тузишни, иш ҳақини, иш вақтини режимини тўлиқ тартибга солади (МК 147, 195-моддалари)
Ишдан четлаштириш
Нормалар МК 113-моддасида белгиланган	Ходимни ишдан четлаштириш ҳолатлари рўйхати кенгайтирилди (МК151-моддаси). Ишдан четлаштирилган пайтда иш ҳақини расмийлаштириш ва тўлаш тартиби, шунингдек ишдан ноқонуний четлаштиришнинг ҳуқуқий оқибатлари тартибга солинди (МК 152, 153, 154-моддалари)
Меҳнат шартномасини бекор қилиш
Тарафлар келишувига кўра бекор қилишни расмийлаштириш тартибга солинмаган. МК 97-моддаси 1-бандига асосланиб расмийлаштирилган	Тарафлар келишувига кўра меҳнат шартномасини бекор қилишни расмийлаштириш тартибга солинган (МК 157-моддаси)
Иш берувчи ходим пенсиё ёшига етганда пенсионер билан менат шартномасини бекор қилишга ҳақли (МК 100-моддаси 2-қисми 7-банди)	Норма чиқариб ташланди
Ходим иш берувчини ишдан бўшаши ҳақида икки ҳафта олдин огоҳлантиришга ҳақли (МК 99-моддаси 1-қисми)	Ходим ташаббуси билан меҳнат шартномасини бекор қилишда огоҳлантириш муддатлари белгиланди: ёзма шаклда 14 календарь кун олдин огоҳлантириш (МК 160-моддаси); ташкилот раҳбари томонидан икки ой олдин огоҳлантириш (МК 489-моддаси); мавсумий ходимлар томонидан уч календарь кун олдин огоҳлантириш (МК 494-моддаси); вақтинчалик ходимлар томонидан уч календарь кун олдин огоҳлантириш (МК 499-моддаси); иш берувчилар-микрофирмалар ходимлари томонидан бир ҳафта олдин огоҳлантириш (МК 506-моддаси); якка тартибдаги тадбиркорлар билан ишлайдиган шахслар томонидан бир ҳафта олдин огоҳлантириш (МК 511-моддаси); уй ходимлари томонидан бир ҳафта олдин огоҳлантириш (МК 518-моддаси).
Меҳнат шартномаси иш берувчининг ташаббуси билан бекор қилиниши ҳақидаги огоҳлантириш тарафлар келишувига кўра пуллик компенсация билан алмаштирилиши мумкин (МК 102-моддаси)	Меҳнат шартномаси иш берувчининг ташаббуси билан бекор қилиниши ҳақидаги огоҳлантиришни иш берувчи пуллик компенсация билан алмаштириши мумкин (МК 165-моддаси)