Al(OH)3 zollini olish

Laboratoriya ishi №3
Mavzu: Dispersiyalash metodidan foydalanib, stannad kislota va Al(OH)₃ zollini olish.
Reja:

1. 
   Dispersiyalash metodidan foydalanish orqali stannad kislota olish.
   
2. 
   Dispersiyalash metodidan foydalanish orqali Al(OH)3 zollini olish.
   

O'quv mashg'ulotining maqsadi: Dispersiyalash metodidan foydalanib, stannad kislota va Al(OH)3 zollini olish bo'yicha keng qamrovli bilim va ко' nikmalarni shakllantirish.
O'quv faoliyatining natijalari: Dispersiyalash metodidan foydalanib, stannad kislota va Al(OH)3 zollini olish bo'yicha tajribalar bajariladi va mavzu asnosida keng qamrovli bilim va ko'nikmalar shakllantiriladi.
Ishqor yoki kislota yordamida alyuminiy (III) - gidroksid zoli hosil qilish.
Kerakli asbob va reaktivlar: 100 ml li ikkita stakan, shtativ, voronka,shisha tayoqcha, pipetka, filtr qog'oz, distillangan suv, plitka;
Eritmalar: alyuminiy xloridning 1%-li eritmalari ammiakning suvdagi 5-10% li eritmasi, 0,1 n. HC1.
Tajriba: Alyuminiy gidroksid zoli hosil qilish uchun 1%-li AlCl₃ eritmasiga NH₄OH eritmasi qo'yiladi. Hosil qilingan alyuminiy gidroksid cho'kmasi distillangan suv bilan oldin dekantatsiya qilinib, so'ngra fil’trda yuviladi. Cho'kma toza bo'lay deb qolganda quyuqlashadi va juda sekin fil’trlanadi, shundan keyin u toza katta stakanga solinadi, ustiga 400-500 ml distillangan suv quyib isitiladi, bunda eritma qaynashi lozim. Qaynab turgan suyuqlikka vaqti-vaqti bilan 0,1 n. HCL eritmasidan bir necha tomchidan qo'shib boriladi. Bir necha (2-3) soatdan keyin cho'kmaning deyarli hammasi peptizatsilanadi va kolloid eritmaga o'tadi.
Nazorat savollari:

1. 
   Kolloid sistema hosil qilish uchun modda dispersligini oshirish kifoya qiladimi?
   
2. 
   Peptizlash protsessining qanday alomatlari bor?