Алоқада бўлган шахсларни бошқариш

7 илова: Касаллик аломатлари йўқ шахслар уйига ташриф буюрувчи тиббий ходимларни ҳимоя қилиш бўйича кўрсатмалар

• 
  Бемор билан яқин алоқада бўлган, бироқ касаллик аломатлари йўқ шахс билан телефон орқали ёки бирон бир онлайн илова орқали суҳбатлашишга ҳаракат қилинг.
  

• 
  ҳароратни назорат қилиш натижалари телефон орқали хабар берилиши ёки Интернет орқали тиббий ходимга кўрсатилиши мумкин.
  

Агар тиббиёт мутахассиси бемор билан шахсан яқин алоқада бўлган, бироқ касаллик аломатлари бўлмаган шахс билан суҳбатлашиши керак бўлса, у бемор билан яқин алоқада бўлган одамдан камида 2 метр масофада бўлиши ва унинг тана ҳарорати кўтарилган-кўтарилмаганлигини, респиратор аломатлари бор ёки йўқлигини сўраши зарур. Агар сўров ва баҳолаш уйда ўтказилса, тиббий мутахассис ушбу саволлар берилмагунча ва бемор билан яқин алоқада бўлган касаллик аломатларисиз одам юқори ҳароратга эга эмаслигини аниқланмагунча уйга кирмаслиги керак.

• 
  Бемор билан яқин алоқада бўлган, ксаллик аломатларисиз одам ўзининг юқори ҳарорати ёки бирон аломатлари ҳақида хабар берса, уни ксаллик аломатлари бор одам деб ҳисоблаш керак ва зарурат туғилганда тиббий экспертиза ўтказиш учун мутахассисга мурожаат қилиш керак. Тиббий хизмат кўрсатувчи ташкилот ҳароратни ўлчаш натижаларини ва аломатлар тавсифини ҳужжатлаштириши керак.
  

Агар бемор билан яқин алоқада бўлган, лекин касаллик аломатлари йўқ одамда иситма ёки баъзи аломатлар ҳақида хабар берилмаган бўлса, унга ўз ҳароратини ўлчаб, натижалари ҳақида хабар беришни сўраш керак. Агар ушбу шахс ушбу кўрсатмаларга риоя қилмаса, тиббий мутахассис кейинги ҳаракатлар пайтида ундан камида 2 метр масофада туриши керак. Агар бу одам ўз ҳароратини ўлчай олмаса, тиббий ходим қуйидагиларни амалга ошириши керак:

• 
  қўлларни гигиеник қайта ишлаш;
  
• 
  юз ниқоби ва хавфсизлик кўзойнакларини тақиш (агар бемор билан яқин алоқада бўлган асемптоматик одамнинг уйига кирсангиз, қўлқоп кийишни ўйлаб кўринг);
  
• 
  асемптоматик одамнинг ҳароратини ўлчаш;
  
• 
  ҳароратни ўлчаб бўлгандан сўнг, одамдан 2 метрга узоқлашиш керак ва шундан кейингина ИҲВни ечиб ташлаш керак;
  
• 
  таркибида 60 дан 95% гача спирт асосида дезинфекция воситаси билан қўлларни гигиеник қайта ишлаш.