Allohyor Teacher

 
46
Allohyor Teacher 
 
 
56−dars. Singular and plural 
Ingliz tili grammatikasini o'rganishda davom etamiz 
O'zbekchada "lar" qo'shimchasi ko'plikni anglatganidek inglizchada ham so'zning oxiriga s, 
es, ies va ves qo'shimchalaridan biri qo'shilishi yoki so'zning o'zgarishi bilan bo'ladi. 
So'zning oxiri s, sh, ch, x harflaridan biri bilan tugagan bo'lsa, ko'plikni bildirish uchun "es" 
qo'shamiz: bus − buses, dish − dishes, church − churches, box − boxes. 
Bundan tashqari quyidagi so'zlarda ham shunday: potato − potatoes, tomato − tomatoes. 
So'zning oxiri "y" harfi bilan tugab, undan oldingi harf unli bo'lmasa "y"ni o'rniga "ies" 
qo'yamiz: baby − babies, party − parties. 
Agar "y" harfidan oldin unli harflar kelsa, "s" qo'shiladi: day −days, boy − boys, guy − guys, 
key − keys. 
So'zning oxiri f va fe bilan tugagan so'zlarda f va fe o'rniga "ves" qo'shamiz: shelf − shelves, 
wife − wives. 
Bulardan boshqa so'zlarda faqat "s" qo'shiladi: week − weeks, flower − flowers, brother − 
brothers. 
Quyidagi so'zlarga o'xshash ikki bo'lakli narsalar ham asli bitta bo'lsada ko'plik deb 
e'tiborga olinadi: scissors − qaychi, glasses − ko'zoynak, shoes − poyafzal, jeans − shim va 
hokazo. 
Ammo "pair" (juft) so'zida ko'plik qo'shimchasi yo'qligi uchun birlikda deb e'tiborga olinadi. 
Bu so'zda a/an ishlatish mumkin. 
Ba'zi so'zlarni ko'plikda ishlatish uchun hech qanday qo'shimcha qo'shilmaydi, so'zning o'zi 
o'zgaradi: man − men, child − children , foot − feet, mause − mice, woman − women, tooth − 
teeth. 
Sheep va fish so'zlari umuman o'zgarmaydi.