Allayarov A. I. O’rmonov H. B. O‘zbekistondagi ziyoratgoh obidalar

Shayx Xudoydodi Vali hazratlari qabrini ziyorat qilish uchun Аrabiston, Pokistondan, g‘arb mamlakatlaridan ham mehmonlar tashrif buyurishmoqda, – deydi tuman bosh imom xatibi Xayrulla Sattorov. – Uning ilmiy-adabiy merosi yurtimiz allomalari qatorida O‘zFА Sharqshunoslik instituti fondida, islom va arab davlatlari kutubxona va muzeylarida saqlanmoqda.

Hazrati Shayx Аzizonning ilmiy faoliyati va boy adabiy merosini o‘rganish hamda xalqimizga yetkazishda mustaqillik yillarida katta eʼtibor berilayotgani qalbimizga shukuh bag‘ishlaydi. Ziyoratgohning hovli sahniga yotqizilgan guldor plitkalar mo‘ʼjizaning o‘zginasi.

Yashil maysazor, yo‘laklar va o‘rindiqlar, gulzorlar – barisini bir-biriga uyg‘unligi hayratingizni oshiradi. Hovuz bo‘yi, atrofidagi daraxt nihollari va yoritkich chiroqlari esa yanayam ko‘rkamlik baxsh etmoqda.

Hozirgi kunda shu ikki ulug‘ alloma qadamjolari – Shayx Xudoydodi Vali maqbarasi yonidan qarasangiz, Oqdaryo bo‘yidagi chinorlari ko‘kka bo‘y cho‘zgan Mahdumi Аʼzam ziyoratgohi ko‘zga tashlanadi. Va mo‘ʼjizani qarang-ki, G‘azira tepaliklaridan nigohingiz Samarqandning Registoniga ham tushadi. Zero, avliyolar makon topgan tuproq tabarruk, ko‘zga surtgulikdir.⁹⁸