Allayarov A. I. O’rmonov H. B. O‘zbekistondagi ziyoratgoh obidalar

G‘avsuli Аʼzam maqbarasi

O‘z hisobidan Bog‘dodda madrasa barpo etadi va unda 33 yil faoliyat ko‘rsatadi. Ulug‘ olim manbalarning guvohlik berishicha, talabalarga o‘n fan sohasidan saboq beradi.

Ular ilmi tafsir, ilmi hadis, ilmi mazhab, ilmi usul, ilmi axloq, ilmi fiqh, ilmi naqv kabilar. G‘avsuli Аʼzam tasavvufdagi “Qodiriya” tariqatining asoschisidir. Bu tariqat barcha Sharq mamlakatlariga keng tarqalgan.

G‘avsuli Аʼzamning buyuk fazilat va karomatlari haqida «Baxjat ul-asror», «Manakibi Qodiriya», «Tuhfatul Qodiriya», «Risolai Qodiriya», Аbdurahmon Mustafariyning «Haloyil un- nubuvva» shuningdek, Аbdurahmon Jomiyning «Nafahot ul-uns» kabi asarlarida keng maʼlumot beriladi.

Bizning yurtimizda Аbdulqodir G‘iloniy - G‘avsuli Аʼzamning avlodlari, ul zotning muqaddas qadamjolari Marg‘ilon shahrida, Urgut tumanidagi G‘o‘s qishlog‘ida mavjuddir.

Bu haqda Аbu Tohirxoja o‘zining «Samariya» kitobida shunday yozadi:

«Hazrat G‘avsning fayz osor mazori ham Urgutning bir mahallasidadir. Qaerlarkim, u kishida g‘avslik martabasi paydo bo‘lgan ekan. Mazori porloq nurlidir. Baʼzilar bu yer G‘avsniig qadamjoyi deydilar».

Istiqlol sharofati tufayli yurtimizda ko‘plab azizu avliyolar, olimu fuzalolar maqbaralari hamda qadamjolari qaytadan tiklandi, bu joyda yangi gumbazli maqbara qurildi.

Bu aziz maskanni xalq eʼtiqod bilan eʼzozlaydi. Ruhiy poklik, ro‘shnolik, ijobot, umid va madad ramzi deb biladi. Bu joy eng muqaddas ziyorat va tar biya maskaniga aylantirilgan.⁹⁷