Allayarov A. I. O’rmonov H. B. O‘zbekistondagi ziyoratgoh obidalar

Jizzax Davlat pedagogika instituti “tarix o’qitish metodikasi” kafedrasi katta o’qituvchisi Aqchayev Farrux Shavkatovichning “Jizzax vohasi muqaddas qadamjolari va ziyoratgohlari” (etnosotsiologik tadqiqot) deb nomlangan dissertatsiya materiallaridan foydalanildi.

Xo‘jai Serob ota ziyoratgohi. Zomin tumanining Peshag‘or qishlog‘ida joylashgan ziyoratgoh. Bu muqaddas joyni mahalliy aholi “Xo‘jai Serob ota” (Suv boshining egasi) deb ataydi. Ziyoratgohning 2.0 gektarli hududida Mavlono Muhammad Pishag‘oriy qabri, u kishiga atab qurilgan maqbara, masjid va muqaddas sanaluvchi buloqlar mavjud. Mavlono Muhammad Pishag‘oriyning hayoti va ilmiy faoliyati to‘g‘risida Faxriddin Ali ibn Voiz al Koshifiyning “Raxshatu Zaynul hayot” risolasining 215-216 betlarida “…ul zot hijriy 700 yilda tug‘ilganliklari, taxalluslari Xojai Ser-ob yoki Xojai Sar-ob ekanligi u kishining silsilasi Xojagon yo‘nalishidagi “Naqshbandiya” tariqatining zabardast vakillaridan bo‘lib, ilmu zohir va ilmi botinda mashhuri jahon ekanliklari” bayon etilgan.