Allayarov A. I. O’rmonov H. B. O‘zbekistondagi ziyoratgoh obidalar

Fаxriddin Roziy mаqbаrаsi. Koʼhna Urganchdagi meʼmoriy yodgorlik (XII asr 2-yarmi); Turkmanistonning Toshhovuz viloyati hududida. Xorazm shoxlari Otsiz (1128—56) va El Аrslon (1156—72) davrida qurilgan deb taxmin qilinadi. Mahalliy aholi olim Faxriddin Roziy nomi bilan bogʼlaydi. Binoning asosiy qismi kubsimon shaklda (ichki oʼlchami 3,5x3,6 m, quyi qismi pastga tomon bir oz kengaygan), 12 qirrali poygumbaz ustiga 12 qirrali kulohiy gumbaz bogʼlangan. Uch tomonida tobadonli eshik joylashgan. Old tomoni silliklangan gishtlar bilan 3 ta ravoqli toʼrtburchaklarga boʼlingan, yuzasi barg va novdalarning nozik uygʼunligidagi oʼyma naqshlar bilan jozibador bezatilgan, toʼrtburchaklar oʼzaro yozuvli hoshiya naqsh bilan birlashgan. Tashqi gumbaziga feruza rang gʼishtlar mavj usulida terilib xandasiy naqshlar hosil qilingan; tashqi gumbazidan ancha past boʼlgan ichki gumbaziga muqarnaslar ishlangan.¹²⁸