Allayarov A. I. O’rmonov H. B. O‘zbekistondagi ziyoratgoh obidalar

Binoning o‘ng tomonidagi xonada, XIX asrda yashagan va mahalliy xalq orasida Eshoni xalifa nomi bilan mashhur bo‘lgan, domla Jaloliddinni qabrlari joylashgan. Mustaqillik yillarda hashar yo‘li bilan tarixiy yodgorlikni ichki va tashqi tomoni tekislandi, mevali va yashil daraxtlar o‘tqazilib obod qilindi. Ziyoratgoh hovlisida bir nechta qadimiy tut va yong‘oq daraxtlari bor. Keksa bobotut daraxtini yoshi taxminan 250-300 yilni tashkil qiladi. Hovli atrofi devor bilan o‘ralgan. ¹⁴⁷

Jizzax Davlat pedagogika instituti “tarix o’qitish metodikasi” kafedrasi katta o’qituvchisi Aqchayev Farrux Shavkatovichning “Jizzax vohasi muqaddas qadamjolari va ziyoratgohlari” (etnosotsiologik tadqiqot) deb nomlangan dissertatsiya materiallaridan foydalanildi.

Qulpisar ota ziyoratgohi. Jizzax viloyatida joylashgan “Qulpisar ota” ziyoratgohi ikki qardosh xalqlar ya’ni o‘zbek va qozoq xalqlarining muqaddas qadamjolaridan biri hisoblanib, hozirda ham o‘z ahamiyatini yo‘qotmaganligi bilan boshqa ziyoratgohlardan ajralib turadi. Hozirgi kunda ushbu qadamjoga ziyoratga keluvchilar orasida ikki millat vakillarini uchratish mumkin. Bu yerga ziyoratga keluvchilar asosan ajdodlar ruhini xotirlash,bahor faslida chorvadorlar uchun yilning yaxshi kelishi va yil davomida oila a’zolarining sog‘-salomat bo‘lishi uchun qurbonlik qilishib,yaratgandan madad istab keladilar.