Alisher navoiy nomidagi toshkent davlat universiteti huzuridagi pedagog kadrlarni qayta tayyorlash va ularning malakasini

-an qo‘shimchasi. Bu qo‘shimcha arab tilidan qabul qilingan so‘zlar tarkibida uchraydi: ruhan, majburan, qat’iyan, vijdonan, tasodifan kabi. -an qo‘shim­chasi arab tilida tushum kelishigi belgisi hisoblanadi.

-lay (-layin): tiriklay, tiriklayin, butunlay kabi;

-in(-in, -un): ertan-kechin, qishin-yozin, ochin-to‘qin, ostin-ustun kabi;

Ravish yasovchi ayrim qo‘shimchalarning boshqa qo‘shimchalar bilan omonimligi ham mavjud.

Ravish yasovchi -cha qo‘shimchasi otlardagi kichraytirish-erkalash qo‘shimchasi bo‘lgan -cha bilan omonimik munosabatda bo‘ladi. Masalan, yosh yigitcha – yigitcha ishladi. Bu yerda -cha qo‘shimchasining omonimligi asosida leksema omonimligi vujudga kelgan: Yigitcha:1. Kichkina yigit. 2. Yigit kabi.

-cha qo‘shimchasining bu ikki vazifasi urg‘u bilan ham farqlanadi. Kichraytirish- erkalash ma’nosini bildiruvchi -cha qo‘shimchasi urg‘u oladi. Ravish yasovchi -cha qo‘shimchasi esa urg‘u olmaydi. Bunday so‘zlarda urg‘u -cha qo‘shimchasidan oldingi bo‘g‘inga tushadi.

-cha qo‘shimchasini tushirib qoldirib, bu qo‘shimchani olgan so‘z oldidan kichkina so‘zini qo‘yish mumkin bo‘lsa, -cha qo‘shimchasi otning kichraytirish-erkalash shaklini hosil qiluvchi qo‘shimcha hisoblanadi. Masalan, quticha – kichkina quti, uycha – kichkina uycha kabi.