Alisher navoiy nomidagi samarqand davlat universiteti azmiddin nosirov

 
ZULFIYA QUROLBOY QIZI IJODI 
Reja: 
1.  Adiba ijodi va bugungi adabiy jarayondagi o’rni. 
2.  Adiba ijodi haqidagi adabiy tanqidiy qarashlar. 
3.  Hikoya janridagi asarlarida shaxs konsepsiyasi. 
4.  “Iztirob”, “Muhabbat va nafrat”, “Gunoh” hikoyalari haqida. 
5.  Roman janri va adiba ijodi. 
6.  Adibaning “Mashaqqatlar girdobi”, “Armon asirasi” 
romanlarida obrazlar tizimi. 
 
Tayanch so’z va iboralar: Adiba ijodi, obraz yaratish, ruhiyat talqini, 
badiiy xarakter, hayot voqeyligi, tasvir usuli. 

---

 
69 
Zulfiya  Qurolboy  qizi  yaratgan  badiiy  asarlarda  hayot  voqealarini 
sinchiklab  kuzatish  an’anasi  bilan  bog’liq  holda  ularni  o’z  tuyg’ulari, 
tafakkur  tarzida  qayta  sintezlab  qog’ozga  tushirish  holatini  kuzatamiz. 
Adiba  yaratgan  badiiy  asarlarda  har  bir  qahramon  betakror,  o’z  dunyo 
qarashiga ega bo’lgan shaxslar sifatida namoyon bo’ladi. Adiba ijodi haqida 
so’z yuritgan adabiyotshunos Q. Yo’ldoshev bu haqida yozadi: “Mustaqillik 
davri  o’zbek  adabiyoti  janrlar  borasida  shakllangan  tasavvurlarni  buzishi, 
yaratilayotgan 
asarlarning 
nazariy 
qoliplarga 
tushmasligi 
bilan 
xarakterlanadi.  Zero,  ijod  erkinligi  faqat  “nimani  yozish”ga  emas,  balki 
“qanday yozish”ga ham tegishlidir.  Istaganday yozish  erki  ijodiy tajribalar 
o’tkazish imkonini beradi”.
43
 Darhaqiqat,  murakkab hayotning so’qmoqlari 
insonni  qay  yo’llarga  boshlamaydi.  Shu  bilan  birga  turfa  xil  quvonchu 
iztiroblarni o’z boshidan kechiradi. Ba’zan o’z qismatidan xafa bo’lib, turfa 
xil  yo’llarga  kirib  chiqadi.  Bu  esa  turfa  xil  xarakterlarni  shakllantirishdan 
dalolat beradi.  
Zulfiya  Qurolboy  qizi  1966  –  yili  Jizzax  viloyatining  Jizzax  tumanida 
tug’ilgan.  1989  -  yili  Jizzax  pedagogika  institutining  o’zbek  filologiyasi 
fakultetini  bitirgan.  “Turmush”,  “Yovuzlik  farishtasi”,  “Qadimiy  qo’shiq” 
“O’lim  hech  narsa  emas”  hikoyalar  to’plamlari  hamda  “Armon  asirasi”, 
“Mashaqqatlar  girdobi”  romanlari  muallifi.  Ayni  kunlarda  “O’zbekfilm” 
kinostudiyasida  ishlaydi.  Hikoyasi  asosida  “Chaqmoq  chaqqan  tunda” 
badiiy  filmi  suratga  olingan.  “Yozsiz  yil”  badiiy  filmining,  “Fidoyilar” 
serialining senariy muallifi. Hikoyalari asosida O’zbek davlat drama teatrida 
“Ayol” spektakli sahnalashtirildi.  
                                                 
43
 Yo’ldoshev Q. Azobda toblangan odamlar tasviri. Qarang: Zulfiya Qurolboy qizi. Armon asirasi. 
Roman. –T., ”Yangi asr avlodi”, 2009. 3–bet. 

---

 
70 
 
 
Adiba  asosan  epik  turdagi  asarlar  yaratgan  bo’lib,  uning  asarlarida 
siz-u  bizga  hamohang  yashayotgan  insonlar  qismatini  kuzatamiz. 
Ularning  barchasida  oddiy  insonlar  taqdiri,  qismati  asos  qilib  olingan 
bo’lsa-da,  ammo  ularning  turfa  xil  qarashlari  hayot  so’qmoqidagi 
iztiroblari o’quvchini mulohaza yuritishga undaydi.