Alijonova durdona farhodjon qizi

Jarayonni ifodalovchi marketing terminlari: Imitatsiya, inflyatsiya, indent, mangonizatsiya kabilar. Ushbu terminlar marketingga xos jarayonni nomlash uchun qo‘llanadi. Bu kabi terminlar marketing terminologiyasida salmoqli o‘rinni egallaydi. Shuningdek, jarayon terminlari ikki xususiyati bilan boshqa soha terminlaridan farqlanadi: birinchisi, shaklan sodda terminlar; ikkinchisi esa o‘zlashma terminlar. Ingliz va rus tillarida bir termin bilan ifodalangan tushunchalar o‘zbek tilida birikmali tarzda tarjima qilingan. Masalan, monopsoniya termini o‘zbek tiliga quyidagicha tarjima qilingan: monopsoniya – aynan mazkur mintaqada tovar yoki xizmatning faqat bitta iste’molchisi mavjud bo‘ladigan bir vaziyat. Yoki motivatsiya – individual yoki tashkilotning umumiy maqsadlarga erishishga yo‘naltirilgan faoliyatga o‘z-o‘zini va boshqalarni rag‘batlantirish jarayoni. Misollardan ayon bo‘ladiki, jarayon terminlarini tarjima qilishda aynanlik muhim deb hisoblayman. Lekin monopsoniya – bu yakka iste’molchi, motivatsiya – bu rag‘batlantirish tarzida terminlarni qo‘llash uning ma’nosini to‘liq ifodalay olmaydi, ilmiy matnlarda tushuncha izohini to‘liq yorita olmaydi. Jarayon terminlarining o‘zbekcha muqobillari –ish, -uv, -lash, -lashtirish kabi affikslar bilan hosil qilingan. Bunda ikki xil hosilani uchratamiz. Birinchisi, o‘zlashma termin+o‘zbekcha affiks shaklidagi (amortizatsiyalash) hamda o‘zbekcha terminlar(o‘zbekcha asos va affiksdan iborat bo‘ladi).