Alifbe bayrami

Bu “Alifbe” kitobi!

4-O'quvchi: Alifbemiz ko'z ochar,

Olamga mehr sochar.

Odamga nur yo'l ochar,

Kitob ta'rifi bitmas

Ta'rifiga so'z etmas.

5-o'quvchi: A'lo o'qish vazifam,

Ortga qo'ymayman qadam.

O'qib olim bo'lish chun,

Sarflagayman bor kuchim.

Hamma: Senga dildan tashakkur,

Alifbejon kitobim.

Raqs.

Alifbe: Balli Ey dili poklar,

Fan ilmiga chanqoqlar.

Yana savolga qalaysiz?

Qay tovushlar bilasiz.

Bolalar: Tovushlar unli-undosh,

Biri ko'zi – biri qosh.Olti harf unlilar,

Qolganlari undoshlar.

Boshlovchi: -“Alifbejon” harflar senga o'zlarini yanada yaqinroq tanishtirish istagida. Keling ularning barchasi bilan tanishamiz.
Tovushlar tilga kirsin.

Barcha ta'rifin aytsin.

A harfi: Ayiq asal yalapti ko'p, ko'p, ko'p,

Arilar uni talabdi xo'p, xo'p, xo'p.

Yur yordamga boraylik tez, tez, tez,

Tartibga chaqiraylik biz, biz, biz.

B harfi: Bobo baliq keltirdi,

Buvi baliq pishirdi.

Botir bilan Barnooy,

Bir chekkadan tushurdi.

D harfi: Bosh harfman dalada,

Dilshod degan bolaga.

Dasturxonga sherikman,

Do'stlar bilan tirikman.

E harfi: Erkin sog'lom bolaman,

Elga xizmat qilaman.

Erinchoqlik qilmasdan,

Erta sahar turaman.

F harfi: Farida bilan Farhod,

Dalaga qo'y boqishdi,

Sho'xlik qilmasin deya,

Bo'yniga ip taqishdi.

G harfi: Gulzorga ekdim ko'chat,

Gullar ochildi qat-qat.

Dasta –dasta gul terdik,

Gullarga to'ldi savat.

H harfi: Handalakjon handalak,

Qo'lginamdan qo'ymayman.

Polizlarga men halak,

Sira hidlab to'ymayman.

I harfi: Ilhom ishkom ichida,

Ingichka ilon topdi.

Ilon kirdi iniga,

Ilhom ketdi yo'liga.

J harfi: Jo'ja boqib dalada,

Jalol qoldi jalada.

Chip-chiplab chopar jo'ja,

O'xshaydi sho'x bolaga.

K harfi: Kakku bilan Kurkaoy

Kim o'zarga o'ynadi.

Kalxat bilan Karkidon,

O'ynagani qo'ymaydi.

L harfi: Lola bo'ldim lol bo'ldim,

Lobar bo'ldim bol bo'ldim.

Lobar deb chaqirganda,

Labbay deb javob berdim.

M harfi: Mushuk mehmonga borar,

Mudom tomma-tom oshar.

Sichqon kabi ulfatlar,

Mo'ridan mo'ralashar.

N harfi:

O harfi: Oftob – yaxshimi,

Odob – yaxshimi.

Oftob berar nur,

Odob-chi huzur.

P harfi: Pahlovonman, botirman,

Palov ishga pazanda.

Puxta, pishiq o'zimman,

Pishib chiqdim qozonda.

R harfi: Ra'no raqqosa bo'ldi,

Rosa o'ynadi kuldi.

Rustam qiziqchi kelib,

Rosa tomosha bo'ldi.

S harfi: Sahar chog'i tursangiz,

Sayr-sayohat qilsangiz.

Samimiy do'st bo'lsangiz,

Sizga men ham do'stdirman.

T harfi: Tulpor tuyog'i chaqnar,

Toshga tegib yaraqlar.

Turnalar uchib kelsa,

Tong quyoshi charaqlar.

U harfi: Ulug'larga ustozman,

Unvonimni unutmang.

Unli, undosh tovushda,

Men borimni unutmang.

V harfi: Varrak yasab Valijon,

Uchirdi keng osmonga.

Varrak tutqich bermasdan,

O'ynoqlardi samoda.
Raqs.

Alifbe: Barakalla ko'p rahmat,

Meni xo'p xursand qildingiz.

Siz bilimga tashnasiz,

Ilmdan baxt topingiz.

Fursat etdi siz bilan,

Xayrlashib ketaman.

Do'stim “O'qish” kitobin,

Sizga taqdim etaman.

Bolalar: Alifbe senga rahmat,

Doim bo'lgin salomat.

O'qish kitobi: -Salom aziz do'stlarim

Siz bilan o'rtoq bo'lay

Mehrim qo'yib sizlarga

Ko'proq bilimlar beray

Hikoya, ertak she'rlar

Topishmoq hamda maqol

Tez aytishu, hikmatlar

Menda barchasi bisyor

Bolalar: Rahmat o'qish kitobi

Seni toza saqlaymiz

“A'lo” o'qib doimo

Ishonchingni oqlaymiz

Boshlovchi: Ey ona til, aziz qadrdonim

E'tiqodim, ruhim, rahmonim

Marhabo davramiz senga muntazir

Ona tili: Ey kichkintoy do'stlarim

Ona tiling bilib ol

O'qib qoidalarni

Ma'nosiga quloq sol

To'g'ri chiroyli yozish

Bilsang asl shiorim

Unga amal qilganga

Bag'ishlaydurman borim

Musiqiy tanaffus.
Boshlovchi: Hurmatli tadbir ishtirokchilari, jajji farzandlarimizning bilimlar saltanatiga ilk qadamlari qutlug' bo'lsin.

Aziz bolajonlar siz uchun bugun qo'shaloq bayramdir. Qani ayting-chi biz qanday bayramni kutyapmiz?

Bolalar: Yangi yil bayramini.

Boshlovchi: Yangi yil bayramida kimni kutasiz?

Bolalar: Qorboboni

Boshlovchi: Qani qorboboni chaqirib ko'raylikg'chi.

Bolalar: Qorbobo, Qorbobo, Qorbobo.

Qorbobo: Assolomu-alaykum aziz bolajonlar, mehmonlar, ustozlar barchangizni kirib kelayotgan yangi yil bilan tabriklayman.

Bolalar: Rahmat sizga Qorbobo

Sovg'alari bor bobo.

Qorbobo: Aziz bolajonlar mana uch oy davomida o'qishni, yozishni o'rganib oldingizmi?

Boshlovchi: Albatta, bobojon aziz bolajonlar “Archa bayrami” qo'shig'ini aytib bermoqchi.

Qorbobo: Marhamat, eshitib ko'raylik-chi.
“Archa bayrami” qo'shig'i.

Boshlovchi: Shuning bilan harflar kalomi bitdi

Sizga aytgan dilkash salomi bitdi

El-yurt uchun xizmat qilsin bu savob

So'zimiz ham bo'ldi shu erda tamom.