Alifbe bayrami” ssenariysi boshlovchi

Boshlovchi:

Tovushlarni ta’rif etay,

Ular tilni zarhali.

Shu boisdan alifbodan,

Joy olishibdi bari.

1-o’quvchi:

Harflarni bir tekis,

Marjondek sof-sof tergil.

So’ng ularga o’tkir ko’z,

Va uchar qanot bergil.

Boshlovchi:-Tovushlar tilga kirsin!(O’quvchilar birma-bir davraga chiqib, aytishadi ).

Echki dedi eshakka, E

Endi ketdik hashakka.

Fartuk taqib bo’yinga, F

Filcha tushdi o’yinga.

Gilam to’qib Gulsora, G

Gapga tushdi-ku rosa.

Ilon terdi ituzum, I

Itim yig’ladi yum-yum.

Laylak kelsa tulkivoy, L

Likopchada berdi choy.

O’rmonga qurib makon, O’

O’sma qo’ydi olmaxon.

O’quvchi:

Alifbe va hisob ortda,

Bari-bari qoldi yodda.

Raqam tanish, harf tanish,

Qo’ldan kelar o’qish, yozish.

O’quvchi:

Bo’lay desang bog’bon,

Yo vatanga posbon.

Yo osmonda uchuvchi,

To dengizda suzuvchi.

Nimaki kilsang tilak,

Bariga o’qish kerak.

O’quvchi sendan talab,

Maktabga bor ertalab.

O’qi berib mehringni,

Qo’yib ko’ngil zehningni.

“Alifbe” kitobi:- Rahmat, bolajonlar, menga chin do’st ekanligingiz ayon bo’ldi. Ilmga chanqoqligingiz, odobingiz meni juda mamnun etdi.

Fursat yetdi siz bilan,

Xayrlashib ketaman.

Do’stim “O’qish” kitobin,

Endi taklif etaman.

(Davraga “O’qish”kitobi kirib keladi).

Men-chi “O’qish” kitobman,

Nur sochgan oy-oftobman.

Yoningizga keldim men.

Kerakligim bildim men.

Unib o’sgan joyingiz,

Mustaqil diyoringiz,

Nomin ayting-chi shu on

Hamma:-O’zbekiston!

(Vatan haqida she’r tinglanadi, bolalar ijrosidagi qo’shiq, raqs ko’rinishlari tomosha qilinadi).

(Davraga “Matematika” kitobi keladi).

“Matematika” kitobi:

Men o’rgataman hisob,

Fanlarning podshosiman.

Sirlarim ko’p, behisob,

Donolar oshnasiman.

Assalomu alaykum, aziz bolajonlar ! Sizlarni bugungi “Savodxonlik bayrami” bilan tabriklayman.

Hamma: - Rahmat.

“Matematika” kitobi: - Qani bolajonlar, bir sanab beringlar – chi.

(O’quvchilar raqamlar haqidagi she’rlarni aytadilar).

Boshlovchi:

Qaynab chiqqan dilimdan,

Aytay burro tilimdan.

So’zing to’lsin ma’noga,

Hunarlardan, bilimdan.

Bahra olsin yuraklar,

Shunday kulsin tilaklar.

Jilolanib ochilsin,

Chamandagi chechaklar.

Boshlovchi: - Hurmatli mehmonlar, mana biz yaqinda yangi yilini kutib olamiz. Bugungi bayramimizga qo’shaloq qilib ana shu bayramni ham nishonlamoqchimiz. Aziz ota – onalar, qadrli boiajonlar, qalbi quyosh kabi issiq bo’lgan mehribon ustozlar, sizlarni kelayotgan orzu – umidlarga boy yil bilan tabriklaymiz. Yangi yilda baxt va omad sizni hech qachon tark etmasin.

,