Algoritmlar va berilganlar strukturasi” fanining ishchi o’quv dasturi

6.Talabalar bilimini baholash

Fandan 5 ta (10 soat) va undan ortiq sababsiz dars qoldirgan talaba mazkur fandan chetlashtiriladi va shu fanni o’zlashtirmagan hisoblanadi;

O’zbekiston Respublikasi Oliy va o’rta maxsus ta’lim vazirining 2018 yil 9-avgustdagi 19-2018-sonli buyrug’iga ilova qilingan “Oliy ta’lim muassasalarida talabalar bilimini nazorat qilish baholash tizimi to’g’risidagi nizom”ga muvofiq oraliq nazoratda fan bo’yicha A-S darajasiga erishgan talabalar yakuniy nazoratga qo’yiladi;
Fanga ajratilgan maksimal balning 60% dan past ko’rsatkichga o’zlashtirgan talaba fanni o’zlashtirmagan hisoblanadi. Baholarning foiz taqsimoti quyidagicha:
90-100% -5 baho
70-89% -4 baho
60-69% -3 baho
0-59% -2 baho
Fanga ajratilgan maksimal balning 60%dan yuqori ko’rsatkichga o’zlashtirgan talaba fanni o’zlashtirgan hisoblanadi.
Akademik qarzdorligi mavjud talabalarga ta’til vaqtida o’z hisoblaridan qayta o’qish yo’li bilan akademik qarzdorlikni yo’qotish imkoniyati beriladi.
Talabalar bilimi ON (50%) va YaN(50%) lar orqali baholanadi. ON amaliy ishlarda to’plangan ballar yig’indisi va oraliq nazorat (test yoki yozma ish) ning o’rtachasidan kelib chiqadi.
YaN 3 ta nazariy savollarga (yozma yoki og’zaki) javob berish orqali aniqlanadi. Har bir nazariy savol maksimum 5 balga teng bo’ladi. 3 na nazariy savolning o’rtachasi olinadi. Amaliy va tajriba ishlaridan berilgan topshiriqlarni topshirmagan talabalarning yakuniy nazorat ishlari hisobga olinmaydi.
Mustaqil ta’lim soatlari 50% fan kreditini tashkil qilganligi (ushbu fanda 3 kreditga teng) sababli ON va YaN sinovlaridagi yozma va og’zaki savollar, testlar, amaliy ish topshiriqlari va h.k.lar mustaqil ta’lim materiallarini ham o’z ichiga oladi. Yoki fanning xususiyatidan kelib chiqib, mustaqil ta’lim soatlari uchun loyiha, seminar, taqdimot va h.k.lar topshiriladi, talabaning bahosi topshirilgan ishlarning o’rtachasidan kelib chiqadi.
Bakalavrning fan bo’yicha bahosi (ON + YaN)/2 orqali aniqlanadi. Agarda mustaqil ta’lim soatlari alohida baholansa (ON+YaN+Mustaqil ish)/3 sifatida aniqlanadi. Bakalavrning to’plagan bahosi ((ON+YaN)/’2) yoki (ON+YaN+Mustaqil ish)/3 60% dan yuqori, ya’ni ijobiy baho (quyidagi jadvalga qarang) dan oshsa u fanni o’zlashtirgan hisoblanadi.