Aldanganlar guruhi

Chindan sevgan insonni ko'rmaslikka olishadi.

Nomunosiblarni doimo sevishadi.

Azob chekmay unutish mumkinmi?

Agar bir insonni azob chekmay unuta olsang va uning xotirasi qalbingni zarracha ham tirnamasa, demak, sevmagan ekansan. Agar sen qutulmoqchi bolgan dard qayerga borsang, ortingdan borsa, har tong uyg'onganingda azobing kamaygan bo'lishni o'rniga yanada ortgan bo'lsa, hamma qiyofalarni unga o'xshatayotgan bo'lsang, nafasing bo'g'ilayotgan bo'lsa, nazar solgan har yeringda uni ko'rishni istayotgan bo'lsang, demak, telbalarcha sevgan ekansan. Xo'sh, bu qadar sevgandan keyin unutish uchun qancha vaqt talab qilinadi? Sevib, ayrilgan insonning unutish davri qalbidagi sevgining hajmi bilan mutanosibdir. Gapning qisqasi, unutishning aynan tayinlangan bir muddati yo'q. Kimdir bir haftada unutadi, kimdir bir oyda, kimdir bir yilda... Kimlar bo'lsa, umrining oxirigacha sevadi, qalbidagi ishqni butun umr ko'tarib yuradi... Bir insonni qanday va qachon unuta olishing to'g'risidagi savolning javobi o'zingning qalbingda yashiringan. Unutish, unutmaslik yoki unutishni istamaslikni yuraging belgilaydi. Sen bor- yo'g'i uning qarorini tasdiqlaysan. Yuragingning amriga labbay" deya bo'ysunishga majbur bo'lasan. Ammo ko'p hollarda yurakning amri insonga azob beradi.

Unuta olsang - havas, unuta olmasang - ishqdir...

Oshiqning yeydigan taomi - ovunmoq

Qalbida ishqi yo'qdan mehr kutib, o'zni ovutish edi mening qiladigan ishim. Sevmasligini bilib turib, sevadi deb o'zimni aldardim.

Aslida, hech qachon boshlanmagan narsaning tugaganiga ishonishni istamasdim... Sira sevilmaganimni tan olishni istamasdim... Yolg'on-yashiq va soxta umidlar bilan to'la bir tushdan haqiqatlari bilan yuzimga tarsaki soladigan hayotda uyg'onishni istamasdim. Kerak bo'lsa, o'sha yolg'on-yashiq to'la tushda o'lishni istardim...

U menga befarqligini bilib turib, meni sevadi deb o'zimni ovutib yashadim. Mendagi ishq meni sevmasligini bot-bot sezdirsa ham, meni sevishi haqida orzular qiladigan darajada ahmoqona bir ishq edi. Va bu ahmoqona ishqni deb arzimaydigan inson uchun o'zimni aldab yashashdan nariga o'tolmasdim... Ha, mana shu ahmoq seni boshlanmagan narsaning tugaganiga o'zini ishontirishni istamaydigan darajada kuchli sevgan edi...