Aldanganlar guruhi

Qancha ko'p sevsangiz, shuncha ko'p azoblanasiz. Sevilgan inson esa bundan faqat rohatlanadi.

Yuragingiz faqat bir insonni deb ursin

Hayotida birov bo'lishiga qaramay, ko'zi to'ymagan, begonalardan nigohini to'smagan, ochko'z va begonani ko'rsa qosh-ko'zi o'ynaydigan insonlardan jirkanganimchalik bu hayotda boshqa biron narsadan jirkanmadim. Bu narsa erkak yoki ayolga tegishli narsa emas. Bu insonning tabiatiga bog'liq bo'lgan masala. Zero hayotida ko'ngil qo'ygan insoni bo'la turib, ko'zi olma tergan odamning sevgisidan qanchalik manfaat bor? Qolaversa, o'zimdan kelib chiqadigan bo'lsam, sevaman degan insonimga tegishli bo'lishni va u ham menga sodiq ekanligini his qilishning beradigan lazzat hamda baxtni atrofdagi hech kimga va hech narsaga alishmayman. Vaholanki, hozirgi zamonga kelib, faqatgina bir insonga sodiq bo'la olish san'at darajasiga chiqqan deb hisoblayman. Ammo ming afsuski, hamma inson ham "san'atkorlik" darajasiga ko'tarilolmaydi. Sevganiga sadoqatli bo'lish hammaning ham qo'lidan kelmaydi. Sevgisida sobit qolomaydi. Yo yarim yo'lga yetmay tashlab ketadi yo xiyonat qiladi yoki bo'lmasa oxiri sevaman degan insonining la'natiga duchor bo'ladi. Yoki ham sevaman deydi, ham atrofdagilardan na ko'zini, na umidini uzadi.

Begonalarga ko'zlari ko'r bo'Iib, faqat siz bilan kifoyalangan, atrofdagilarning tovushlarini eshitarga quloqlari kar bo'Iib, birgina sizning ovozingizga mahtal bo'ladigan, qisqasi sadoqatning timsoli bo'lgan insonlarga duchor bo'Iishingizni tilayman...