Al bukhariy university

AL BUKHARIY UNIVERSITY

“O’zbekistonning eng yangi tarixi “ fanidan tayyorlagan mustaqil ishi

Bajardi: Normamatov A.

Qabul qildi: Akramov J.

MAVZU : O’ZBEKISTON VA AQSH MUNOSABATLARI (1992-2014) REJA: KIRISH. 1. O’ZBEKISTON - AMERIKA MUNOSABATLARINI O’RGANISHNING SIYOSIY – HUQUQIY JIHATLARI; 2. HOZIRGI KUNDA O’ZBEKISTON RESPUBLIKASI VA AMERIKA QO’SHMA SHTATLARI O’RTASIDAGI MUNOSABATLARNING O’ZIGA XOS XUSUSIYATLARI; 3. O’ZBEKISTON - AQSH HAMKORLIGINING ISTIQBOLLARI. XULOSA FOYDALANILGAN ADABIYOTLAR RO’YXATI

KIRISH.

KIRISH.

O’zbekiston Republikasining tashqi siyosatida dunyo hamjamiyati bilan xalqaro munosabatlarga kirishishi muhim omil hisoblanadi. Shuning uchun ham o’tgan 22 yil davomida o’ziga xos ichki va tashqi siyosatini amalga oshirib kelmoqda.

O’zbekiston 1991 yilda o’z mustaqilligini qo’lga kiritgandan so’ng, jahon hamjamiyatining to’la huquqli a’zosi sifatida dunyoning yetakchi davlatlari bilan hamkorlik munosabatlarini o’rnata boshladi. Xususan, 1991 yilning 25 dekabrida AQSH O’zbekiston mustaqilligini rasmiy tan olgan kun sifatida tarix sahifalariga kirgan bo’lsa, 1992 yil 19 fevralda ikki davlat o’rtasidagi diplomatik munosabatlar o’rnatildi.

Ma’lumki, 2001 yil 11 sentyabr kuni AQSHda yuz bergan terrorchilik xurujlaridan so’ng, butun dunyo hamjamiyatining e’tibori terrorizmga qarshi kurashga qaratildi. Terrorizmga qarshi kurash AQSHning davlat siyosati darajasiga ko’tarildi. Terrorizm markaziga aylangan Afg’onistonda jahon hamjamiyatiga tahdid solayotgan terror guruhlariga qarshi operatsiyalar amalga oshirila boshlandi. Amerikalik ekspertlarning fikricha, O’zbekiston Markaziy Osiyodagi yetakchi mamlakat sifatida mintaqada tinchlik va barqarorlikni ta’minlashda muhim ahamiyat kasb etadi. Xususan, Amerikalik ekspert F.Starr ta’kidlaganidek, “O’zbekiston 2001 yil 11 sentyabrь voqealaridan ancha oldin dunyo hamjamiyatini Afg’onistondan chiqayotgan mintaqaviy xavfsizlikka bo’layotgan tahdidga e’tibor qaratish hamda terrorizmga qarshi kurashish zarurligi haqida bir necha bor ogohlantirgan edi. Uning fikricha, “6+3” muloqot guruhini tuzish g’oyasi Markaziy Osiyodagi mamlakat-O’zbekistondan chiqqani, tashqaridan tiqishtirilmagani muhimdir”