«актуальные вопросы развития социального сектора экономики: отечественный и зарубежный опыт»

Калит сўзлар: рақамли иқтисодиёт, интернет-маркетинг, рақамли 
маркетинг воситалари, электрон медиалар, мобиль маркетинг, е-mail маркетинг. 
Мамлакатимиз иқтисодиётида чуқур таркибий ўзгаришлар амалга 
оширилаётган бугунги кунда иқтисодиёт тармоқларини ривожлантириш, 
истеъмолчиларга товар ва хизматларни тақдим этишга ҳам алоҳида эътибор 
қаратилмоқда. Айниқса, товар ва хизматларни тақдим этишда истеъмолчилар 
учун қулай ҳамда замонавий усуллардан фойдаланиш муҳим аҳамиятга эга. 
Ҳозирги кунда истеъмолчига қаратилган юқори эътибор, нарх 
самарадорлиги ва харидор ҳамда сотувчи орасидаги юқори интерактив тезлик 
каби сабабларга биноан интернет-маркетинг анъанавий маркетингдан устунлик 
қилмоқда. Истеъмолчи ва бизнес секторларининг эътибори анъанавий маркетинг 
медиа воситалари бўлмиш телевизор, радио, босма нашриётларга қараганда 
рақамли технология медиа воситалари интернет, смартфонлар, симсиз алоқа 
воситалари ва тезкор қидирув қурилмаларига кўпроқ қаратилмоқда. 
Самарали 
веб-тармоқларни 
яратишдан 
фойдаланган 
ҳолда 
истеъмолчиларни ўзига жалб қилиш ва уларнинг муайян брендга содиқлигини 
ошириш бугунги куннинг долзарб масалалари бўлиб қолмоқда. Биз бугун 
рақамли медиа дунёси феноминал маромда ўзгариб бораётганини кўришимиз 
мумкин. Интернет-маркетинг бу рақамли ресурслар бўлмиш радио, телевизор, 
мобиль телефонлари, истеъмолчилар учун маҳсулотларнинг реклама қилиш ёки 
уларга бўлган мотивни шакллантириш мақсадида рақамли реклама 
дисплейларидан оқилона фойдаланишдир. Бошқача қилиб айтганда, интернет-
маркетинг электроник медия воситалари орқали маҳсулот ва брендларни тарғиб 
қилишдир. У анъанавий маркетингдан фарқ қилиб, ўз ичига рақамли маркетинг 
каналлари ва методларини қамраб олади. Булар орқали корхона ва 
ташкилотларга 
маркетинг 
ташвиқотларини 
таҳлил 
қилишга 
ва 
истеъмолчиларнинг айни вақтдаги хоҳиш-истакларини аниқлашда ёрдам беради.

---