«актуальные вопросы развития социального сектора экономики: отечественный и зарубежный опыт»

Калит сўзлар:
маҳаллий ҳокимият, маҳаллий бюджет, маҳаллий солиқлар, 
йиғимларни белгилаш 
Маҳаллий ҳокимият органларининг маҳаллий давлат бюджетни 
шакллантириш ва уни ижро этиш, маҳаллий солиқлар, йиғимларни белгилаш, 
бюджетдан ташқари жамғармаларни ҳосил қилиш вазифаси ҳудудни 
ижтимоий-иқтисодий ривожлантириш, аҳоли фаровонлигини ошириш, 
фуқароларнинг турмуш шароитини яхшилаш, халқ таълими, соғлиқни сақлаш, 
ижтимоий таъминот, фан ва маданият соҳаларини ривожлантиришга 
қаратилган бўлади. 
Мазкур вазифаларнинг талаб даражасида бажарилишида, аввало маҳаллий 
вакиллик органлари зиммаларида катта масъулият ётади. Навбатдаги йил учун 
тегишли маҳаллий бюджет лойиҳасини Қорақалпоғистон Республикаси 
Вазирлар Кенгаши, вилоятлар ва Тошкент шаҳар ҳамда шаҳар ва туман 
ҳокимларининг тақдимномасига мувофиқ кўриб чиқиб, қабул қилиш, 
шунингдек ушбу бюджетларнинг тегишли даврдаги ижроси тўғрисидаги 
ҳисоботларни ҳар чоракда кўриб чиқиш, тасдиқлаш, маҳаллий солиқлар ва 
бошқа мажбурий тўловлар ставкаларини қонун ҳужжатларида ўрнатилган 
миқдорлар доирасида белгилаш, маҳаллий бюджетлардан ажратилаётган 
маблағлардан мақсадли ва самарали фойдаланишни таъминлашга қаратилган 
молиявий назоратни тартибга солиш ҳамда бюджет интизомини кучайтириш 
каби вазифалар жойлардаги вакиллик органларидан жиддий масъулият талаб 
этади. 
Маҳаллий бюджетлар даражасида солиқ-бюджет сиёсатининг устувор 
вазифаларидан бири депутатлик ва жамоат назоратини кенг жалб қилган ҳолда, 
маҳаллий бюджетларни шакллантиришнинг шаффофлигини ва унинг 
бажарилиши устидан назоратни таъминлашдир.[1] 

---

INTERNATIONAL SCIENTIFIC-PRACTICAL CONFERENCE 
«ACTUAL ISSUES OF THE DEVELOPMENT OF THE SOCIAL SECTOR OF THE 
ECONOMY: DOMESTIC AND FOREIGN EXPERIENCE»