«актуальные вопросы развития социального сектора экономики: отечественный и зарубежный опыт»

INTERNATIONAL SCIENTIFIC-PRACTICAL CONFERENCE 
«ACTUAL ISSUES OF THE DEVELOPMENT OF THE SOCIAL SECTOR OF THE 
ECONOMY: DOMESTIC AND FOREIGN EXPERIENCE»
 
ANDIJAN, UZBEKISTAN, MAY
 2020
 
208 
«Иқтисодиётнинг ижтимоий секторини ривожлантиришнинг долзарб масалалари: миллий ва хорижий тажриба» 
«
Актуальные вопросы развития социального сектора экономики: отечественный и зарубежный опыт
»
 
Инвестицион лойиҳаларни таҳлил қилиш, уларни молиялаштириш, 
рақобатбардошлигини ошириш бўйича инвестиция стратегияси ушбу барча 
хусусий стратегия ва дастурларни битта сармоявий тизимга бирлаштириши 
керак. Инвестицион стратегия давлатнинг умумий стратегияси, инновацион 
стратегия ва бошқа хусусий стратегиялар билан узвий боғлиқ бўлиб, уларнинг 
мафкуравий ва молиявий асоси бўлиб хизмат қилади. Халқаро миқёсда 
мамлакатларнинг 
инвестицион 
жозибадорлиги 
халқаро 
институтлар, 
ташкилотлар ва жаҳон рейтинг агентликлари томонидан муҳим кўрсаткичлар, 
шу жумладан, молиявий кўрсаткичлар, коррупция даражаси, мамлакатнинг 
криминаллашув даражаси, кредит рейтинглари, инсон салоҳияти даражаси, 
иқтисодий эркинлик ва бошқалар бўйича баҳоланади. 
Юқори инвестицион халқаро рейтингга эга бўлиш учун мамлакат давлат ва 
унинг иқтисодиёти барқарорлиги ва самарадорлигини таъминлаши керак. 
Мамлакат даражасида инвестиция стратегияси устувор тармоқлар, 
корхоналар, ижтимоий-иқтисодий ривожланиш, институционал ривожланиш, 
инфратузилмани ривожлантириш ва фуқаролик жамиятини шакллантиришни 
танлаш ва молиялаштириш муаммоларини ҳал қилади. Тақдим этилаётган 
давлатлар тарихан қисқа вақт ичида самарали ва рақобатбардош иқтисодиётни 
ташкил этиш муаммосини ҳал қилмоқдалар. Шунга ўхшаш муаммо, халқаро 
тажриба (Япония, Жанубий Корея, Тайван) кўрсатиб турибдики, фақат 
иқтисодиётни давлат томонидан тартибга солиш шароитида ва дунёнинг 
ривожланган мамлакатларининг (ҳарбий, молиявий, технологик, илмий, 
институционал ва бошқалар) кўмаги билан ҳал қилиниши мумкин.
Иқтисодиёти ўсиб бораётган мамлакатларнинг узоқ муддатли стратегияси 
босқичма-босқич амалга оширилади. Ривожланишнинг ҳар бир босқичида 
давлат устувор тармоқларни белгилайди ва ҳар хил имтиёзлар кўринишида 
давлат томонидан қўллаб-қувватланади. Шарқий Осиё мамлакатлари босиб 
ўтган ривожланиш йўлини Шарқий Осиёнинг ривожланиш йўли деб ҳисоблаш 
мумкин. Ушбу давлатларнинг ривожланиш стратегияси баъзи умумий 
хусусиятлар билан тавсифланади: 
-Шарқий Осиё мамлакатларининг инвестиция стратегияси экспортга 
йўналтирилган тармоқларни ривожлантиришга инвестицияларнинг ўсишига 
асосланади; 
-давлат харажатларининг камлиги; 
-солиқ юкининг пастлиги (одатда ЯИМнинг 1%га хам етмайди); 
-жуда юқори ички ва ташқи инвестициялар - ЯИМнинг 40 фоизигача; 
-ЯИМ ўсишининг жуда юқори суръатлари (6-11%); 
-иқтисодиётни ташқи бозорларга йўналтириш; 
-дунёнинг илғор мамлакатларининг энг янги технологияларига юқори 
даражада боғлиқлик; 
-янгиликка бўлган юқори қобилият ва бошқалар;