Aksiyaga asoslangan to’lov

Huquqlarning o'tish shartlarini hisobga olish

• Huquqlarning o'tish shartlarini hisobga olish
• 19 Ulushli instrumentlarning taqdim etilishi belgilangan o'tish shartlarini qanoatlantirish sharti ostida bo'lishi mumkin. Masalan, xodimga aktsiyalarni yoki aktsiya optsionlarini taqdim etish odatda xodimning tadbirkorlik sub'ektida o'z ish faoliyatini belgilangan davr mobaynida davom ettirish sharti ostida bo'ladi. Bunda ma'lum, erishilishi shart bo'lgan faoliyat natijalari, masalan tadbirkorlik sub'ektining foydada belgilangan o'sishga erishishi yoki tadbirkorlik sub'ektining aktsiya narxidagi belgilangan o'sish, shartlari bo'lishi mumkin. Bozor shartlaridan boshqa bo'lgan o'tish shartlari baholash sanasida aktsiya yoki aktsiya optsionlarining haqqoniy qiymatini baholashda inobatga olinishi lozim. Buning o'rniga, o'tish shartlari operatsiya summasini baholashda hisobga olingan ulushli instrumentlarning miqdorini to'g'rilash orqali inobatga olinishi lozimki, buning natijasida, yakuniy bosqichda, taqdim etilgan ulushli instrumentlar evaziga qiymatni qoplash sifatida qabul qilingan tovarlar yoki xizmatlar bo'yicha tan olingan summa haqiqatda o'tadigan ulushli instrumentlarning miqdoriga asoslangan bo'lishi lozim. Shunday qilib, 21-banddagi talablar inobatga olingan holda, agarda taqdim etilgan ulushli instrumentlar o'tish sharti qanoatlantirilmasligi tufayli o'tkazilmasa, masalan kontragent belgilangan xizmat davrini tugatmasa, yoki ma'lum faoliyat natijasiga erishilmasa, hech qanday summa, kumulyativ asosda, qabul qilingan tovarlar yoki xizmatlar uchun tan olinmaydi.

Huquqlar o'tmasligini hisobga olish

• Huquqlar o'tmasligini hisobga olish
• Xuddi shuningdek, tadbirkorlik sub'ekti taqdim etilgan ulushli instrumentlarning haqqoniy qiymatini baholashda barcha huquqlarning o'tmaslik shartlarini inobatga olishi lozim. Shu tufayli, huquqlarning o'tmaslik shartlariga ega ulushli instrumentlarni taqdim etishda, tadbirkorlik sub'ekti bozor shartlari bo'lmagan barcha huquqlarning o'tish shartlarini qanoatlantiradigan kontragentdan qabul qilinadigan tovarlar yoki xizmatlarni (masalan belgilangan xizmat davrida ish faoliyatini davom ettiradigan xodimdan qabul qilinadigan xizmatlarni) tan olishi lozim, bunda ushbu huquqlarning o'tmaslik shartlari qanoatlantirilishidan qat'iy nazar.