Akrom abbasovich karimov, farxod rashidovich islomov, anvar ziyadullaevich avloqulov

Ekspert (Expert) - buxgalteriya hisobi va auditdan farqli boshqa sohada maxsus ko’nikmalarga, bilimlarga va tajribaga ega bo’lgan shaxs yoki firma.

Xato (Error) - moliyaviy hisobotda bilmasdan qilingan noaniqlik.

Hisoblash (Computation) - dastlabki hujjatlar va hisob yozuvlarining arifmetik tekshirishdan yoki mustaqil hisob-kitoblarni bajarishdan iborat.

Hozir bo’lmoqlik (Attendance) - boshqa shaxslar tomonidan bajarilayotgan jarayonlar yoki uning bir qismi davomida hozir bo’lmoqlikni nazarda tutadi.; masalan, tovar-moddiy zahiralarni inventarlashda hozir bo’lmoqlik auditorga ular mavjudligini tekshirish va ushbu jarayon miqdoriy hisoblash va ushbu hisoblashlarni yozib borish hamda nazorat-miqdoriy hisoblash muolajalari yuzasidan sub’ekt rahbariyati tomonidan ishlab chiqilgan muolajalarga muvofiqligini kuzatib borish imkoniyatini yaratadi.

Holatni ahamiyatli noto’g’ri ko’rsatish (Material misstatement of fact) - audit qilingan moliyaviy hisobot bilan bog’liq bo’lmagan boshqa ma’lumotda holatni ahamiyatli noto’g’ri ko’rsatish. Bunday ma’lumot noto’g’ri ko’rsatilganda yoki taqdim etilganda vujudga keladi.

Hujjatlar (Documentation) - auditor uchun auditor tomonidan tayyorlangan yoki audit o’tkazilishi munosabati bilan auditor tomonidan olingan va saqlanadigan material (ishchi hujjatlar).