Akkumlyator batareyalarining uzgichlari. Reja



Download 6.99 Kb.
Sana23.06.2017
Hajmi6.99 Kb.

Aim.uz

Akkumlyator batareyalarining uzgichlari.

REJA.


  1. Akkumulator batareyasi uzgichining vazifasi.

  2. Akkumulator batareyasi uzgichlarining turlari

  3. Akkumulator batareyasining elektromagnit cho'lg'ami

Akkumulator batareyasining uzgichi ("massa" ni uzgichi) avtomobil uzoq vaqt (1 soatdan ortiq) to'xtab turganda hamda avariya rejimlarida barcha iste'molchilarni batareyadan uzib qo'yish uchun mo'ljallangan. "Massa" uzgichining boshqarish tugmachasi shunday joylashtirilishi kerakki, undan haydovchi o'z o'rnida turgan holda batareyani zudlik bilan tizimdan uzish uchun foydalana olsin. Akkumulator batareyalarining uzgichlari qo'l bilan (BK 318 turidagi) va masofadan turib (BK 860 turidagi) boshqariladigan qilib ishlab chiqariladi.

BK 860 uzgichi (49-chizmaga qarang) uchta asosiy qismdan, ya'ni kontakt qurilmasi, uning toresiga o'rnatilgan elektromagnit hamda elektromagnit shtokidan kontakt qurilmaga kuch uzatuvchi mexanik tizimdan iborat.



49-chizma. Masofadan turib boshqariladigan

"massa" uzgichi BK860 (BK861):
a-kesim; b-elektrik chizma. 1-elektromagnit cho'lg'ami; 2-yakor; 3-shtok; 4-kontakt qurilmasining shtoki; 5-fiksator; 6-richag; 7-o'q; 8-prujina; 9-qo'zg'aluvchan kontaktlar.
Elektromagnit cho'lg'amiga (1) tok yuborilganda, yakor (2) va unga burab qotirilgan shtok (3) kontakt qurilmasi shtogini (4) kuch bilan bosadi. Shtok pastga harakatlanganda, fiksator (5) o'qqa (7) o'rnatilgan maxsus shaklli richagning (6) o'yig’ga kirib, uzgich kontaktlarini ulangan holda ushlab qoladi. Bu holatda prujinalar ham siqiladi.

Elektromagnit cho'lg'amiga (1) keyingi safar tok yuborilganda, shtok (3) richagni (6) bosadi, u esa o'z o'qi atrofida burilib fiksatorni (5) shtok (4) ichiga kiritib yuboradi va qo'zg'aluvchan kontaktlar (9) prujinalar (8) ta'sirida zanjirni uzib, ikkinchi holatga o'tadi. Bu paytda fiksator (5) boshqa turg'un holatni egallaydi. Akkumulator batareyalari ancha zaryadsizlangan holatlarda "massa" uzgichni ajratish va ulashni yakorning (2) rezinali himoya g'ilofi orqali qo'l bilan bosib amalga oshirish mumkin. Uzgich elektromagnitining ish rejimi esa qisqa muddatlidir.



Qo'l bilan boshqariladigan uzgichning kontaktli tizimi masofadan boshqariladigan uzgichning kontaktli tizimiga o'xshash bo'ladi.

Tayanch iboralar: uzgich, massa, BK318 qo’l bilan, BK860 masofadan, elektromagnit cho’lg’am, shtok, kontakt qurilmasi, fiksator, richag, prujina.
NAZORAT SAVOLLARI.


  1. Akkumlator uzgichi nima uchun xizmat qiladi?

  2. Uzgichlarning qanday turlarini bilasiz?

  3. Uzgichlar qanday qismlardan tuzilgan?



Aim.uz



Do'stlaringiz bilan baham:


Ma'lumotlar bazasi mualliflik huquqi bilan himoyalangan ©hozir.org 2017
ma'muriyatiga murojaat qiling

    Bosh sahifa