Акциз солиғини ҳисоблаш ва буджетга ўтқазиш

Қисқача хулосалар
Хулоса қилиб шуни айтиш мумкинки, солиққа тортиш тизимига кўра акциз солиғи билвосита солиқлардан ҳисобланиб, маҳсулот, товар баҳоси тарифига устама шаклда қўйилиб, истеъмол маҳсулотининг баҳосининг юқори бўлишига нарх-навони ўсишига бевосита таъсир этади. Акцизлар - товарлар учун қўйиладиган билвосита солиқларнинг бир тури бўлиб, қўшилган қиймат солиғидан фарқли маълум бир чегараланган тур ва гуруҳдаги маҳсулотларнинг нархига қўшилади. Акцизлар қадимда барча давлатлар бюджети даромадларини шакллантиришда муносиб хисса қўшиб келган. Чунки акцизлар орқали давлат зарурати учун зарур бўлган молиявий маблағлар тез ва оддий солиққа тортиш механизми орқали ундириш имконияти мавжуд бўлган.
Ўзбекистон Республикаси солиқ тизимида акцизлар давлат молиявий ресурсларининг шаклланиб боришида асосий ўрин тутади. Алоҳида товарлардан акциз солиғини ундириш зарурлиги улардан давлат бюджетини даромадларини шакллантиришнинг қўшимча манбаи сифатида фойдаланишдан ташқари, алоҳида иқтисодий ва ижтимоий жараёнларни давлат томонидан тартибга солиш учун зарурлигидир.
Билвосита солиқлар хусусан, акциз солиғи давлат бюджети даромадларини шакллантиришда асосий солиқлардан бир бўлиб, давлат бюджети даромадлари таркибида энг юқори солиқ тушумлари ушбу солиқлардан ташкил топади.
Назорат ва муҳокама учун саволлар

1. 
   Акциз тушунчаси қандай маънони англатади?
   
2. 
   Ўзбекистон Республикасида акциз солиғи қачон жорий этилган?
   
3. 
   Акциз солиғини тўловчилар бўлиб кимлар ҳисобланади?
   
4. 
   Акциз солиғи солиш объектига нималар киради?
   
5. 
   Акциз солиғи бўйича қандай солиқ имтиёзлари мавжуд?
   
6. 
   Акциз солиғи ставкалари ва ҳисоблаш тартиби қандай?
   
7. 
   Акциз солиғи суммаси бюджетга қандай муддатларда тўланади?
   
8. 
   Акциз солиғини республика бюджетига ўтказиш тартиби қандай?
   
9. 
   Божхона юк декларациясида акциз солиғини акс эттириш тартиби қандай?