Божхона тўловлари 11 топшириқ (10 балл) “Солиққа тортиш” қисми/ Тавсия этилаётган вақт тақсимоти 20-24 дақиқа Ўзбекистон компанияси Россия ва Хитой компанияси билан Ўзбекистон Республикасига пиво маҳсулоти етказиб бериш тўғрисида шартнома тузган. 2021 йилнинг январда Ўзбекистон Республикаси божхона ҳудудига келиб тушган:
Россия Федерациясидан 120 минг литр пиво. Шартнома шартларига кўра пивонинг 1 литри 1,4 АҚШ долларини ташкил этади.
Хитойдан 60 минг литр. Шартнома шартларига кўра пивонинг 1 литри 0,85 АҚШ долларини ташкил этади.
Россия компанияси билан шартнома бўйича келтирилаётган пивонинг ташиш ва суғурта ҳаражатлари 30 минг АҚШ долларини ташкил этади. Шартномада етказиб бериш шарти (Инкотермс – 2000 бўйича) – EXW (ташиш ва суғурта товар нархига қўшилмаган).
Хитой компанияси билан шартнома бўйича келтирилаётган пивонинг ташиш ва суғурта ҳаражатлари 12 минг АҚШ долларини ташкил этиб, пивони ташиш ва суғурта ҳаражатларини пивонинг нархига киритилган. (Инкотермс – 2000 бўйича) CIP – Тошкент (ташиш ва суғурта ҳаражатлари товар нархига қўшилган).
1 литр пиво учун акциз солиғи ставкаси _____________________________________ ташкил этади.
Товар импорти бўйича ҚҚС ставкаси 15 %.
Божхона божи ставкаси пивонинг божхона қийматига нисбатан _____________________ ни ташкил этади.
Божхона органига божхона юк декларациясини расмийлаштириш санаси 25.01.
Россия Федерациясидан келган товарнинг келиб чиқиш сертификатига асосан товар Россияда ишлаб чиқарилган.
Хитойдан келган товарнинг келиб чиқиш сертификатига асосан товар Хитойда ишлаб чиқарилган.
Божхона қийматини аниқлаш учун олиб кирилаётган товар юзасидан тузилган битимнинг қийматига қараб баҳолаш усулидан фойдаланилган.
Хитой энг яхши қулайлик тақдим этиладиган савдо-иқтисодий ҳамкорлик тўғрисидаги битимга аъзо бўлган давлатлар рўйхатига киритилган.
Россия Федерацияси билан эркин савдо режими тўғрисида битим имзоланган.
Талаб қилинади: а. Россия Федерациясидан ва Хитойдан келган пивонинг боржхона қийматини аниқланг ҳамда ҳамма олиб кирилган товарнинг умумий божхона қийматини аниқланг.
б. Божхона божини ҳисоблаш формуласини келтиринг ҳамда Россия Федерациясидан ва Хитойдан келган пивонинг божхона божи суммасини аниқланг (жавобни асосланг).
в. Акциз солиғини ҳисоблаш формуласини келтиринг ва импорт қилинган пивонинг акциз солиғи суммасини ҳисоблаб чиқаринг.
г. ҚҚС бўйича солиқ солинадиган оборотни ҳисоблаш формуласини келтиринг ва Россия Федерациясидан ва Хитойдан келган пивонинг ҚҚС суммасини аниқланг.