Акциз солиғи 1. Корхона турли маркали вино ва ароқ маҳсулотларини ишлаб чиқаради. 2021 йил январда корхонада 9 минг дал ароқ(этил спирти улуши 40% дан ортиқ) ва 3,5 минг дал вино (табиий ачитилган) маҳсулотлари ишлаб чиқарилди. 2021 йил январда 10 минг дал ароқ (этил спирти улуши 40% дан ортиқ) ва 2 минг дал вино (табиий ачитилган) маҳсулотларини реализация қилган. Ҳисобот даври учун акциз солиғини ҳисобланг.
2. Ликёр-ароқ заводи 2021 йилда 40% ўткирликдаги, 0,5 л сиғимли “Бухгалтерская” маркали ароқдан 2340 бутилка ишлаб чиқарди ва 2000 бутилка реализация қилди. Ҳисобот йили учун акциз солиғи солинадиган базани ва солиқ суммасини ҳисобланг.
3. 2021 йил январь ойида корхона 500 000 қути (1 қутида 20 дона) фильтрли сигаретлар ишлаб чиқарди. Январь ойидаги сотиш ҳажми 483 000 қутини ташкил этди. Акциз солиғи ва ҚҚСни ҳисобланг.
4. 2021 йил февраль ойида корхона 700 000 қути фильтрли сигаретларни импорт қилди. 1 қути шу турдаги сигаретнинг божхона қиймати 30 000 сўм. 1 қути сигаретнинг сотиб олиш қиймати 21 000 сўм. Божхонада тўланадиган акциз солиғи ва ҚҚСни ҳисобланг.
5. Нефтни қайта ишлаш заводи февраль ойида 150 тонна авиакеросин ишлаб чиқарди ва 173 тонна авиакеросин сотди. Февраь учун акциз солиғи ҳисобланг.
6. Жисмоний шахс бўлган таъсисчининг аризасига кўра ишлаб чиқарувчи 40 % ўткирликдаги 0,5 л сиғимли ароқ маҳсулотларидан 500 бутилкасини ҳисобланган дивидендлар ҳисобига берди. Акциз солиғи ҳисобланг.
7. Корхона ўзи ишлаб чиқарган акциз товарларни (полиэтилен гранулалар) бошқа корхонанинг устав капиталига улуш сифатида бермоқда. Ҳисса тарзида берилаётган маҳсулотларнинг таннархи 50000 минг сўмни ташкил этади ва улар таннарх бўйича киритилмоқда. Акциз солиғи, ҚҚС ва улушнинг умумий қийматини ҳисобланг.
8. Полиэтилен гранулалар ишлаб чиқарувчи МЧЖ таъсисчилари таркибидан жисмоний шахс бўлган таъсисчи чиқмоқда. Унинг устав капиталидаги улуши 20 %. Ушбу улуш 50000 минг сўм пул маблағлари кўринишида киритилган. Таъсисчи чиқиш санасига корхонанинг жами хусусий капитали 360 000,0 минг сўм. Таъсисчилар умумий йиғилиши қарорига кўра чиқиб кетаётган таъсисчига таннархи бўйича 50000 минг сўмга тенг бўлган полиэтилен гранулалар ва ҳиссанинг қолган қисмига тенг бўлган пул маблағлари тўланиши назарда тутилди. Солиқ кодексига кўра чиқиб кетаётган таъсисчига бошланғич ҳиссадан ортиқча тўланаётган улушлар унинг даромади сифатида қаралади дивидендлар учун белгиланган ставкада (5%) солиққа тортилади. Ушбу операция бўйича даромад солиғини, акциз солиғини, ҚҚСни, ва таъсисчига тўланиши лозим бўлган пул тўлови миқдорини ҳисобланг.
9. Акциз тўланадиган маҳсулотни ишлаб чиқарувчи ишлаб чиқарилган маҳсулотнинг бир қисмини ўз эҳтиёжлари учун ишлатди. Ишлатилган маҳсулотнинг таннархи 64000,0 минг сўм, сотиш баҳоси 80000,0 минг сўм. Мазкур маҳсулот учун акциз солиғи ставкаси 20%. Корхонада акциз солиғини тўлаш мажбурияти юзага келадими.
10. Автомобилларга ёқилғи қуйиш фаолияти билан шуғулланувчи корхона февраль ойида қуйидаги операцияларни амалга оширди: